'''Karspel''' of '''kerspel''' ([[Aldfrysk]]: ''zerskspel, zerkspul, ziurkspil'') is de midsieuskemidsiuwske namme foar parochy, tsjerkedoarp of tsjerkegemeente.
It karspel as gebiet fan in parochy of tsjerklike gemeente wie fanâlds part fan de tsjerklike organisaasje fan in bisdom. De grinzen datearje faak út de [[11e ieuiuw|11e]] of [[12e ieuiuw]]. Fanwege befolkingsgroei en ûntginning fan woaste grûn of spjalting waarden dy grinzen wizige. Nei de [[reformaasje]] kaam it by de protestants wurden parochys ek ta grinsferoarings. Omdat de grinzen fan in karspel meast deselde wienen as dy fan it richteramt of skoutambt wurdt it wurd karspel ek wolris as synonym dêrfoar brûkt.
Fan de [[16e ieuiuw]] ôf waard it begryp karspel hieltyd mear brûkt om de bestjoerlike ienheid oan te tsjutten dy't nei de [[Bataafske Revolúsje]] [[1795]] de boargerlike [[gemeente (bestjoer)|gemeente]] foarmje soe. Somtiids binne by de foarming fan de gemeenten karspels gearfoege ta ien gemeente.
Yn geografyske nammen komt karspel faak foar. Bygelyks wie it gebiet om de stêd [[Swol]] hinne oant 1967 in selstannige gemeente ûnder de namme [[Swollerkerspel]] en bestie oant 1966 besuden [[Weesp]] de gemeente [[Weesperkarspel]].
