Klean: ferskil tusken ferzjes

[[File:Clothes.jpg|right|thumb|200px|Klean yn histoaryske perioaden: fan loftsboppen nei rjochtsûnderen: [[Egypte|Alde Egyptners]], [[Griken|Alde Griken]], [[Romeinen]], [[Byzantynske Ryk|Byzantinen]], [[Franken]] en de [[Jeropa|Jeropeeske]] hegerein fan 'e [[12e ieuiuw|12e]] oant de [[15e ieuiuw]].]]

Klean wurde fan in grut ferskaat oan stoffen makke. De earste klean bestiene út [[bist]]e[[hûd]]en mei it [[hier (begroeiïng)|hier]] der noch oan. Soks wurdt tsjintwurdich [[bûnt]] neamd, en tsjin it dragen dêrfan bestiet in protte sosjaal ferset út 'e [[natoer]]beskermingshoeke, mei't der tsjintwurdich genôch oare soarten klean foarhâns binne en it dêrom as dekadint beskôge wurdt om noch bisten dea te meitsjen inkeld en allinnich om der modieus út te sjen. Itselde jildt foar in diel foar [[lear (stof)|lear]], dat fan oarsprong eins ûnthierre [[bist]]enhûden wiene dy't bewurke wiene troch in [[leartouwer]] (hoewol't der tsjintwurdich ek [[keunstlear]] bestiet). Tradysjoneel wurdt fan lear fral [[skuonark]] makke om oan 'e [[foet (lichemsdiel)|fuotten]] te dragen, wat ornaris net ta klean rekkene wurdt, mar foar beskate beuzichheden (bgl. [[motorfyts|motorriden]]) of foar moadedoelen, wurde ek wol klean fan lear makke. Histoarysk wichtige [[plant]]aardige stoffen dêr't klean út makke waarden (en noch wurde), binne [[flaaks]] en [[katoen]]. Yn 'e [[tweintichste ieuiuw]] binne fierders ferskate keunststoffen sterk opkommen foar it meitsjen fan klean, lykas [[nylon]] en [[polyester]].