Ipatjev-kleaster: ferskil tusken ferzjes

[[File:Kostromatsar.jpg|thumb|left|250px|''It kroanen fan de tsaar yn it kleaster fan Kostroma'']]

Troch de goede bannen mei de Romanov's gyng it kleaster in nije bloeiperioade yn 'e mjitte. De tsaren beskôgen it kleaster as harren famylje-hillichdom en alle kearen as der wer in tsaar kroand waard, fûnen hja it harren plicht om in besite te bringen oan it kleaster en it mei rynske jeften te oerladen. Michael Fjodorovitsj liet lâns de westlike muorre de saneamde "Nije Stêd" bouwe. It waard omfrede mei hegen muorren en twa tuorren en in poarte (fanwegen de griene dakpannen de ''Griene Toer'' neamd).

Op 29 jannewaris 1649 feroarsake in eksploazje fan krûd dat opslein wie yn it kleaster de ferneatiging fan de Trije-ienheidkatedraal. De katedraal waard ferfongen troch in folle gruttere katedraal en waard yn 1685 mei fresko's beskildere troch skilders ûnder lieding fan Gûry Nikitin.