Swartewetterskleaster

(Trochferwiisd fan Zwartewatersklooster)

Swartewetterskleaster (Nederlânsk en offisjeel: Zwartewatersklooster) is in doarpke dat leit yn Oerisel, yn de gemeente Swartewetterlân. It leit noardlik fan Hasselt en súdeastlik fan Swartslús.

Yn 1233 waard hjir in benediktissenkleaster stifte: Mariënberg, letter better bekind as it Swartewetterskleaster. It kleaster waard mooglik stifte as in betinkplak foar de manlju, lykas ûnder oaren de biskop Otto II fan de Lippe, dy't omkamen yn de slach by Ane yn 1227. It is in lyts smûk doarpke middenyn in natuergebiet. Op it plak dêr't it kleaster stien hat is no in tsjerkhôf.