Étretat is in plak en gemeente yn it FrânskedepartemintSeine-Maritime en de regio Normandje. Étretat makket diel út fan it arrondissemint Le Havre. By toeristen is Étretat bekend om de kliffen mei bûtenwenstige rotsformaasjes, dy't oan beide kanten fan it plak lizze. Étretat is in toeristysk sintrum mei in soad hotels, restaurants, winkels dêr't oantinkens kocht wurde kinne en oare toeristyske fasiliteiten.
De Manoir de la Salamandre waard yn de 20e iuw boud troch arsjitekt Émile Mauge. By de bou brûkte hy dielen fan in 15e-iuwsk hûs dat yn Lisieux stie.
Villa’s yn de belle-époquestyl.
De Notre-Dame fan Étretat stiet eastlik fan it sintrum en is in romanogoatyske tsjerke út de 12e-13e iuw. Op it tsjerkhôf binne in grut tal kriichsgrêven.
De Chapelle Notre-Dame-de-la-Garde jout in skitterend útsicht op l'Aiguille.
Yn Étretat binne ek oantinkens fan de Atlantikwall te sjen.
Étretat is it lêst plak dêr't de L'Oiseau Blanc ("Wite Fûgel") sjoen is. It fleantúch ferdwûn yn 1927 by de oerstek oer de Atlantyske Oséaan, itjinge noch jimmeroan ien fan de grutste riedsels út de skiednis fan de loftfeart is. It monumint út 1963 yn de foarm fan in hege pylk betinkt de twa fleanders Charles Nungesser en François Col.
Sûnt de 19e iuw wurdt Étretat in soad besocht troch ferneamde ympressionistyske keunstskilders, dy't fral de krytrotsen op it doek fêstleine. Under de keunstners mei wurk fan Étretat binne û.o. Richard Parkes Bonington, Eugène Boudin, Jean-Baptiste Camille Corot, Gustave Courbet, Eugène Delacroix, Narcisso Virgilio Díaz de la Peña, Paul Huet, Eugène Isabey, Johan Barthold Jongkind, Eugène Lepoittevin, Henri Matisse en Claude Monet.
.PNG)
Frankryk
Normandje
Seine-Maritime
.jpg)
Panorama kliffen
