Seine-Maritime

It Frânske departemint Seine-Maritime is ien fan de fiif Normandyske departeminten. It leit yn it noarden fan Normandje en krige syn namme troch de rivier de Seine en de lizzing oan see. Oant 1955 hiet it departemint Seine-Inférieure.

Seine-Maritime
De lizzing fan Seine-Maritime yn Frankryk.
flagge	wapen
polityk
soarte gebiet	departemint
lân	Frankryk
regio	Normandje
haadplak	Rouen
grutste plak	Le Havre
departemintsnûmer	76
hist. namme	Seine-Inférieure
sifers
ynwennertal	1.255.883 (2018)
oerflak	6.278 km²
befolkingstichtens	200 / km²
oar
stifting	1790
tiidsône	UTC +1
simmertiid	UTC +2
koördinaten	49°40′ N 0°50′ E
webside	www.seinemaritime.fr

Skiednis

It departemint waard yn 1792 ûnder de namme Seine-Inférieure stifte en bestie doe út sân distrikten: Cany, Caudebec-en-Caux, Dieppe, Gournay, Montivilliers, Neufchâtel, Rouen. Yn 1800 waarden de arrondisseminten Dieppe, Le Havre, Rouen, Neufchâtel en Yvetot oprjochte, de twa lêsten waarden yn 1926 wer opheft. Yn 1955 kirge it departemint syn hjoeddeiske namme Seine-Maritime.

Fan 1960 oant 2015 hearde Seine-Martime by de regio Opper-Normandje, dy't yn 2016 yn de regio Normandje opgyng.

Geografy

Seine-Maritime grinzget oan it suden oan it departemint Eure, dêr't it eartiids Opper-Normandje mei foarme, yn it wêst en it noarden oan It Kanaal en yn it easten oan de departeminten Somme en Oise fan de regio Hauts-de-France.

De wichtichste rivier is de Seine, dy't by Le Havre yn It Kanaal mûnet.

It departemint is te ferdielen yn trije lânskippen: de Seine-delte, it krytplato Pays de Caux en it heuveleftige en kûlissenlânskip fan Pays de Bray.

Bestjoerlike yndieling

It departemint Seine-Maritime is te ferdielen yn 3 arrondisseminten. De arrondisseminten binne ûnder te ferdielen yn meiïnoar 35 kantons en 708 gemeenten.

Arrondissemint	Ynwenners 01.01.2018	Oerflak (km²)	Ynwenners/km²	Kantons	Gemeenten
Dieppe	234.504	3.138,45	75	7	345
Le Havre	387.085	1.247,39	310	12	149
Rouen	634.294	1.941,01	327	18	217
Seine-Maritime	1.255.883	6.326,85	199	35	708

Stêden

Le Havre

Rouen

De grutste plakken binne:

Stêd	Ynwenners 2018	Arrondissemint
Le Havre	169.733	Le Havre
Rouen	111.360	Rouen
Dieppe	28.561	Dieppe
Sotteville-lès-Rouen	28.958	Rouen
Saint-Étienne-du-Rouvray	28.500	Rouen
Le Grand-Quevilly	25.771	Rouen
Le Petit-Quevilly	22.291	Rouen
Mont-Saint-Aignan	19.262	Rouen
Fécamp	18.251	Le Havre
Elbeuf	16.205	Rouen

Befolkingsûntwikkeling

Jier	1962	1968	1975	1982	1990	1999	2008	2015	2018
Ynwennertal	1.035.843	1.113.977	1.172.743	1.193.108	1.223.429	1.239.138	1.248.580	1.257.699	1.255.883
Boarnen: Cassini en INSEE

Ofbylden

• 
  Krytrotsen by Étretat
• 
  Fakwurkhûzen yn Rouen
• 
  Notre-Dame fan Rouen
• 
  Kastiel Dieppe
• 
  Bunker by Fécamp

Keppeling om utens

• Prefektuer Seine-Maritime

Boarnen, noaten en referinsjes

Boarnen, noaten en/as referinsjes:

Institut national de la statistique et des études économiques Commons Wikimedia Commons  Ofbylden dy't by dit ûnderwerp hearre, binne te finen yn de kategory Seine-Maritime fan Wikimedia Commons.