Nord (departemint)

Frânsk departemint yn Opper-Frankryk

Nord is in Frânsk departemint yn de regio Hauts-de-France. De namme fan it departemint is ûntliend oan de lokaasje yn it lân; it is it meast noardlike departemint fan Frankryk.

Nord
Nord-Position.svg
Lokaasje fan it departemint Nord (read) yn Frankryk.
flagge wapen
Drapeau fr département Nord.svg Blason département fr Nord.svg
sifers
soarte gebiet departemint
ynwennertal 2.606.234 (2018)
oerflak 5.743 km²
befolkingstichtens 454 / km²
polityk
lân Flag of France.svg Frankryk
regio Proposed design for a flag of Hauts-de-France.svg Hauts-de-France
haadplak Lille
grutste plak Lille
departemintsnûmer 59
oar
stifting 1790
tiidsône UTC +1
simmertiid UTC +2
koördinaten 50°37′ N 3°1′ E
webside lenord.fr

SkiednisBewurkje

 
Kaart fan it departemint Nord yn de regio Hauts-de-France

Nord is ien fan de 83 departeminten, dy't oprjochte waarden yn de tiid fan de Frânske Revolúsje. It departemint waard út it Frânske diel fan Flaanderen, it Frânske diel fan Henegouwen en de Cambrésis (it gebiet fan de biskop fan Cambrai) gearstald.

De Yndustriële Revolúsje fan de 19e iuw fûn al ier plak. Yn de Earste Wrâldkriich waard der slim en lang fochten yn de streek. Nei de Twadde Wrâldkriich waard it gebiet op 'e nij in wichtich ekonomysk sintrum. Tsjintwurdich hat de regio folgjend op it sluten fan minen en de tekstylfabriken te lijen ûnder sosjale, ekonomyske, kulturele en miljeu problematyk.

Fan 1960 oant 2015 hearde it departemint Nord by de regio Nord-Pas-de-Calais, dy't yn 2016 yn de regio Hauts-de-France opgyng.

GeografyBewurkje

It departemint Nord dielt yn it noardeasten de súdlike grins fan Belgje. Yn it westen grinzget it departemint oan Pas-de-Calais, Aisne en in pear kilometer oan it departemint Somme. It Kanaal grinzget oan it noardwestlike diel fan Nord.

It is in lang en smel departemint en hat as haadstêd Lille, dy't tegearre mei Roubaix, Tourcoing en Villeneuve-d’Ascq mei mear as in miljoen ynwenners it yndustriële hert fan it departemint foarmet. De gemeenten Boursies, Doignies en Mœuvres foarmje in eksklave fan it departemint en lizze geografysk yn it departemint Pas-de-Calais.

De wichtichste rivieren fan it departemint binne de Lys, de Sambre, de Scarpe, de Skelde en de Izer.

Bestjoerlike yndielingBewurkje

It departemint Nord is ûnder te ferdielen yn 6 arrondisseminten, 41 kantons en 648 gemeenten

Arrondissemint Ynwenners 01.01.2018 Oerflak (km²) Ynwenners/km² Kantons Gemeenten
Avesnes-sur-Helpe 228.395 1.413,19 162 4 151
Cambrai 161.111 905,05 178 3 116
Douai 245.549 478,19 513 4 64
Dunkerque 374.966 1.448,85 259 7 111
Lile 1.244.589 884,70 1.407 17 124
Valenciennes 351.624 637,69 551 6 82
Departemint Nord 2.606.234 5.767,67 452 41 648

Befolkingsûntwikkeling departemint Nord sûnt 1962Bewurkje

Jier 1962 1968 1975 1982 1990 1999 2008 2015 2018
Ynwenners 2.294.066 2.418.847 2.511.478 2.520.526 2.531.855 2.555.020 2.564.959 2.605.238 2.606.234
Boarnen: Cassini en INSEE

StêdenBewurkje

 
Lille

De grutste gemeenten yn it departemint neffens ynwennertal binne:

Stêd Ynwennertal Arrondissemint
Lille 233.098 Lille
Tourcoing 97.442 Lille
Roubaix 98.089 Lille
Dunkerque 86.865 Dunkerque
Villeneuve-d’Ascq 662.727 Lille
Valenciennes 43.405 Valenciennes
Wattrelos 40.885 Lille
Douai 39.634 Douai
Marcq-en-Barœul 38.570 Lille
Cambrai 32.501 Cambrai
 
Departeminten fan Frankryk
 

01 Ain • 02 Aisne • 03 Allier • 04 Alpes-de-Haute-Provence • 05 Hautes-Alpes • 06 Alpes-Maritimes • 07 Ardèche • 08 Ardennes • 09 Ariège • 10 Aube • 11 Aude • 12 Aveyron • 13 Bouches-du-Rhône • 14 Calvados • 15 Cantal • 16 Charente • 17 Charente-Maritime • 18 Cher • 19 Corrèze • 2A Súd-Korsika • 2B Opper-Korsika • 21 Côte-d'Or • 22 Côtes-d'Armor • 23 Creuse • 24 Dordonje • 25 Doubs • 26 Drôme • 27 Eure • 28 Eure-et-Loir • 29 Finistère • 30 Gard • 31 Haute-Garonne • 32 Gers • 33 Gironde • 34 Hérault • 35 Ille-et-Vilaine • 36 Indre • 37 Indre-et-Loire • 38 Isère • 39 Jura • 40 Landes • 41 Loir-et-Cher • 42 Loire • 43 Haute-Loire • 44 Loire-Atlantique • 45 Loiret • 46 Lot • 47 Lot-et-Garonne • 48 Lozère • 49 Maine-et-Loire • 50 Manche • 51 Marne • 52 Haute-Marne • 53 Mayenne • 54 Merthe-et-Moselle • 55 Meuse • 56 Morbihan • 57 Moselle • 58 Nièvre • 59 Nord • 60 Oise • 61 Orne • 62 Pas-de-Calais • 63 Puy-de-Dôme • 64 Pyrénées-Atlantiques • 65 Hautes-Pyrénées • 66 Pyrénées-Orientales • 67 Bas-Rhin • 68 Haut-Rhin • 69 Rhône • 70 Haute-Saône • 71 Saône-et-Loire • 72 Sarthe • 73 Savoaye • 74 Opper-Savoaye • 75 Parys • 76 Seine-Maritime • 77 Seine-et-Marne • 78 Yvelines • 79 Deux-Sèvres • 80 Somme • 81 Tarn • 82 Tarn-et-Garonne • 83 Var • 84 Vaucluse • 85 Vendée • 86 Vienne • 87 Haute-Vienne • 88 Fogezen • 89 Yonne • 90 Territoire-de-Belfort • 91 Esonne • 92 Hauts-de-Seine • 93 Seine-Saint-Denis • 94 Val-de-Marne • 95 Val-d'Oise

Oerseeske departeminten
971 Gûadelûp • 972 Martinyk • 973 Frânsk-Guyana • 974 Reünion • 975 Majot