Manche

It departemint Manche is yn fan de fiif departeminten fan de regio Normandje. De haadstêd fan it departemint is Saint-Lô. It departemint is ferneamd nei It Kanaal, dat yn it Frânsk la Manche hjit.

Manche
De lizzing fan it departemint Manche yn Frankryk.
flagge	wapen
sifers
soarte gebiet	departemint
ynwennertal	495 983 (2018)
oerflak	5 938 km²
befolkingstichtens	84 / km²
polityk
lân	Frankryk
regio	Normandje
haadplak	Saint-Lô
grutste plak	Saint-Lô
departemintsnûmer	50
oar
stifting	1790
tiidsône	UTC +1
simmertiid	UTC +2
koördinaten	49° 3′ N 1° 15′ E
webside	www.manche.fr

Skiednis

It departemint ûnstie as ien fan de 83 departeminten yn de Frânske Revolúsje. Oant 1796 wie Coutances de haadstêd fan it departemint. Om't Saint-Lô yn 1944 hast folslein platbombardearre wie, waard Coutances nei de Twadde Wrâldkriich op 'e nij foar in skoftke de prefektuer fan it departemint en dat bleau sa oant Saint-Lô wer opboud wie.

Geografy

Oanbuorjende departeminten binne Calvados, Orne, Mayenne en Ille-et-Vilaine. Manche wurdt yn it westen, it noarden en it noardeasten omklamme troch It Kanaal. It noardlike part fan it departemint is in skiereilân dat Cotentin hjit. It departemint hat in kust fan 350 kilometer lang.

It UNESCO-wrâlderfgoed Mont Saint-Michel is foar toeristen oer de hiele wrâld bekend.

Bestjoerlike yndieling

Manche is te ferdielen yn fjouwer arrondisseminten:

• Avranches
• Cherbourg
• Coutances
• Saint-Lô

De arrondisseminten binne ûnderferdield yn meiïnoar 27 kantons en 446 gemeenten.

Demografy

Untwikkeling ynwennertal departemint Manche:

De fiif grutste plakken binne: Cherbourg-en-Cotentin, Saint-Lô, Granville, La Hague en Coutances.

Ofbylden

• 

  Kûlissenlânskip
• 

  Mont Saint Michel
• 

  Nez de Jobourg
• 

  Ponte du Roc
• 

  Marais du Cotenting
• 

  Katedraal fan Coutances

Keppeling om utens

• Prefektuer departemint Manche

Commons

Ofbylden dy't by dit ûnderwerp hearre, binne te finen yn de kategory Manche fan Wikimedia Commons.