Albatrossen

De albatrossen (Diomedeidae) binne in famylje seefûgels yn it skift fan de mokeftigen (Procellariformes). Se komme foar yn de súdlike oseanen en yn de noardlike Stille Oseaan.

Se hawwe lange smelle wjukken wêrmei't se hast har hiele libben oer de see sweve. Op it lân kinne se harren net best rêde en dêr komme se ek allinnich om te brieden.

De measte soarten wurde slim bedrige. It tal albatrossen is earst bot weromrûn trochdat de fearren fan de albatrossen brûkt waarden. Tsjintwurdich wurde de albatrossen bedrige troch rôten en katten dy't de aaien, jongen en briedende fûgels oanfalle. Mar ek troch de fersmoarging en foaral it fiskjen mei lange linen. By it fiskjen mei lange linen wurde de albatrossen lokke troch it aas en at se oan de heak sitte dan fersûpe se.

Klassifikaasje bewurkje seksje

Skift: mokeftigen (Procellariformes)
- Famylje: albatrossen (Diomedeidae)
  - Skaai: (Diomedea)
    - Soarte: swalkalbatros (Diomedea exulans)
    - Soarte: Tristanalbatros ((Diomedea dabbenena)
    - Soarte: keningsalbatros (Diomedea epomophora)
    - Soarte: Amsterdam-eilânalbatros (Diomedea amsterdamensis)
  - Skaai: (Phoebastria)
    - Soarte: koartsturtalbatros (Phoebastria albatrus)
    - Soarte: Galapagosalbatros (Phoebastria irrorata)
    - Soarte: Laysanalbatros (Phoebastria immutabilis)
    - Soarte: swartpoatalbatros (Phoebastria nigripes)
  - Skaai: (Thalassarche)
    - Soarte: griiskopalbatros (Thalassarche chrysostoma)
    - Soarte: swartbrau-albatros (Thalassarche melanophris)
    - Soarte: bullersalbatros of Bulleralbatros (Thalassarche bulleri)
    - Soarte: wytkapalbatros (Thalassarche cauta)
    - Soarte: gielnoasalbatros (Thalassarche chlororhynchos)
    - Soarte: Yndyske gielnoasalbatros (Thalassarche carteri)
  - Skaai: (Phoebetria)
    - Soarte: swarte albatros (Phoebetria fusca)
    - Soarte: roetkopalbatros (Phoebetria palpebrata)