Alghero

Alghero (Italjaansk: Alghero, Katalaansk: L'Alguer, Sardysk: S'Alighèra) is in havenstêd op it Italjaanske eilân Sardynje, dy't diel útmakket fan 'e provinsje Sassari. De stêd hie yn 2015 in befolking fan likernôch 44.000 minsken, en in oerflak fan sa'n 225 km².

Alghero
Alghero sjoen fan de Middellânske See ôf
Bestjoer
Lân	Itaalje
Regio	Sardynje
Provinsje	Sassari
Sifers
Ynwennertal	42.143 (31.05.2024)
Oerflak	225,4 km²
Hichte	7 m
Oar
Stifting	Aldheid
Postkoade	07041
Tiidsône	UTC +1
Simmertiid	UTC +2
Koördinaten	40° 33' N 8° 19' E
Offisjele webside
/www.comune.alghero.ss.it
Kaart

Katalaanske befolking

Twatalich strjitnammeboard yn Alghero.

Fersprieding fan it Katalaanske taalgebiet op Sardynje.

In diel fan 'e ynwenners fan Alghero sprekt Katalaansk. Dat komt foar in part omdat de oarspronklike befolking fan 'e stêd deportearre waard troch it Aragoneeske kening Peter IV. Letter waard de opstannige lânseigen befolking ferfongen troch Katalaanske kolonisten, dy't har eigen taal meibrochten. Mei't neitiid it Katalaansk fan 'e kolonisten fermongen rekke mei it Sardysk dat yn 'e omkriten fan Alghero sprutsen waard, ûntstie doe in folslein unike fariant fan it Katalaansk: it Alghereeske dialekt. Troch de ynfloeden fan 'e oare talen dy't op Sardynje sprutsen wurde hat dat in protte Sardyske, mar ek Italjaanske skaaimerken. Sûnt 1997 hat it Katalaansk yn Alghero erkenning as minderheidstaal fan it Italjaanske regear. Yn 'e stêd sels hat it in semy-offisjele status.

Guon ferskillen tusken it Alghereesk en de Katalaanske standerttaal

Frysk	Alghereesk	Katalaansk
alghereesk	alguerés	alguerès
altyd prate	astà sempra pallant	està sempre parlant

Boarnen, noaten en referinsjes

Boarnen, noaten en/as referinsjes:

Foar boarnen en oare literatuer, sjoch ûnder: References, op dizze side. Commons Wikimedia Commons  Ofbylden dy't by dit ûnderwerp hearre, binne te finen yn de kategory Alghero fan Wikimedia Commons.