Apen

Apen (wittenskiplike namme: Simiiformes, soms ek wol Anthropoidea) binne in tuskenskift fan it ûnderskift fan de drûchnoazigen (Haplorhini). Wol ta de drûchnoazigen, mar net ta de apen, hearre de spûkdieren, dy´t sadwaande beskôge wurde as de nauste sib fan de apen. Yn 'e mande mei de spûkdieren foarmje de apen it ûnderskift fan de drûchnoazigen. Alle primaten dy't net by it ûnderskift fan de drûchnoazigen hearre, wurde healapen of wietnoazigen neamd.

Apen
Taksonomy
ryk:	dieren (Animalia)
stamme:	rêchstringdieren (Chordata)
ûnderstamme:	wringedieren (Vertebrata)
klasse:	sûchdieren (Mammalia)
skift:	primaten (Primates)
ûnderskift:	drûchnoazigen (Haplorhini)
tuskenskift:	apen (Simiiformes)
Haeckel, 1866

Doe´t de apen yn de 19e iuw beskreaun waarden, wie der gjin ûnderskift fan drûchnoazigen. De apen waarden doe sjoen as in drekt tuskenskift fan de primaten, en de spûkdieren waarden sjoen as in ûnderdiel fan de healapen. Yn de 20e iuw waard lykwols it sibskip dúdliker, wat oanlieding wie foar it ûnderskift fan de drûchnoazigen.

Klassifikaasje

ûnderskift drûchnoazigen (Haplorhini) tuskenskift apen (Simiiformes) lytsskift breednoasapen of apen fan de Nije Wrâld (Platyrrhini) famylje grypsturtapen (Atelidae) famylje kapusynapen (Cebidae) famylje klau-apen (Callitrichidae) famylje nachtapen, ûle-apen of doerûkûlys (Aotidae) famylje saky-eftigen (Pitheciidae) lytsskift smelnoasapen (Catarrhini) boppefamylje apen fan de Alde Wrâld (Cercopithecoidea) famylje sturtapen (Cercopithecidae) boppefamylje minskapen (Hominoidea) famylje lytse minskapen of gibbons (Hylobatidae) famylje grutte minskapen, minskeftigen of hominiden (Hominidae)