Arthur Tansley
Sir Arthur George Tansley (Londen, 15 augustus 1871 - Grantchester, 25 novimber 1955), wie in Ingelsk botanikus.
Biografy
bewurkje seksjeTansley wie in pionier op it mêd fan de ekology. Fan begjin ôf oan waard er bot beynfloede troch de Deenske plantenekolooch Eugenius Warming. Hy ferdigene de term ekosysteem yn 1935 en ekotoop yn 1939. Hy wie ien fan de oprjochters fan de British Ecological Society en tweintich jier lang redakteur fan Journal of Ecology.
Yn 1941 eare de Linnean Society of London Tansley foar syn fertsjinsten foar de plantkunde mei de Linnean Medal.
Wurkpaad
bewurkje seksjeTansley joech les oan it University College London fan 1893 oant 1907. Yn 1907 waard er lektor oan de Universiteit fan Cambridge. Yn de Earste Wrâldoarloch waard er net folle ûnderrjochte op de universiteit en Tansley waard klerk op it Ministearje fan Munysje. Yn 1923 joech er syn funksje yn Cambridge oer en ferfear er nei Wenen om dêr in jier lang psychology by Sigmund Freud te studearjen. Nei fjouwer jier ôfwêzigens fan de akademy waard Tansley beneamd ta Sherardian Professor of Botany oan de Universiteit fan Oxford dêr't er oant syn pinsjoen yn 1937 bliuwe soe.
Persoanlik libben
bewurkje seksjeTansley boaske yn 1903 Edith Chick, in earder studinte mei wa't er twa artikels skreau. It pear krige trije dochters: Katharine, Margaret en Helen. Lady Edith Tansley stoar yn 1970.
Oantins
bewurkje seksje
It botanyske tydskrift New Phytologist, dat troch Tansley opjochte waard yn 1902, publisearret yn alle nûmers in spesjaal artikel ûnder de namme 'Tansley Review'. Dy rige waard ferneamd nei Tansley as erkenning foar syn brede ynteresse yn de disipline as gehiel.
Wurk
bewurkje seksjeIn kar:
- The New Psychology And Its Relation To Life. Kessinger Publishing, 2007. ISBN 9780548155134
- The Use and Abuse of Vegetational Concepts and Terms. Tydskrift Ecology, diel 16, nû. 3 (July, 1935), siden 284-307.
- The British Islands and their Vegetation (1939)
Sjoch ek
bewurkje seksje| Boarnen, noaten en/as referinsjes: |
|