Azat

De Azat (Armeensk: Ազատ) is in rivier yn 'e Armeenske provinsjes Kotajk en Ararat.

Azat Ազատ
geografy
lân	Armeenje
ûntspringt yn	Geghamaberchtme
lokaasje boarne	40°8'N 45°0'E
mûnet út yn	Araks → Koera → Kaspyske See
lokaasje mûning	39°57'N 44°29'E
sifers
lingte	55 km
ôfwetteringsgeb.	572 km²

De boarne fan 'e rivier is op 'e westlike helling fan it Geghamaberchtme en streamt dan yn súdwestlike rjochting. De bopperin fan 'e 55 km lange rivier heart by it UNESCO-wrâlderfgoed 'It Kleaster fan Geghard en de Boppe-Azatdelling'.

De rivier streamt troch Garni en it Chosrovreservaat. Dêrnei is der in daam foar enerzjyproduksje en it bewetterjen fan it lân. Lang om let mûnet de rivier yn 'e Araks (of Aras) út.

De rivier ûntwetteret in gebiet fan 572 km². De trochsneed ôfwettering bedraacht 4,88 m³/s.

Ofbylden

• 
  By Garni.
• 
  11e-iuwske brêge by Garni.
• 
  Opslachmar.

Ofbylden dy't by dit ûnderwerp hearre, binne te finen yn de kategory Azat fan Wikimedia Commons.