It bôgesjitten hat plak fan 25 july oant en mei 4 augustus, by de Hôtel des Invalides yn it 7e arrondissement. In gebou dat tsjinne as ûnderkommen foar âld-soldaten dy't beheind rekke wiene troch harren tsjinst yn it Frânske leger. De earste feteranen kamen yn 1674 yn it gebou. Yn 1677 waard begûn mei de bou fan de tsjerke fan it kompleks, dy't yn 1706 foltôge waard. Yn 1840 waard der in pronkgrêf foar Napoleon yn it tsjerkegebou makke, ek syn soan leit dêr begroeven.
It Hôtel des Invalides wie in soarte fan stêd yn it lyts, mei eigen militêre en godstsjinstige regels. Oan de ein fan de 17e iuw bea it kompleks ûnderdak oan sa 'n 4000 militêren. Se wiene ferdield yn kompanjyen, stiene ûnder lieding fan offisieren en wurken yn 'e skuonmakkerij, it tapytfabryk of de boekferluchting. Hjoed-de-dei is it kompleks in museum.
.jpg)
· 
· 