It bôgesjitten hat plak fan 29 augustus oant en mei 5 septimber, by de Hôtel des Invalides yn it 7e arrondissement. In gebou dat tsjinne as ûnderkommen foar âld-soldaten dy't beheind rekke wiene troch harren tsjinst yn it Frânske leger. De earste feteranen namen yn 1674 harren ynlûkt yn it gebou. Yn 1677 waard begûn mei de bou fan de tsjerke fan it kompleks, dy't yn 1706 foltôge waard. Yn 1840 waard der in praalgrêf foar Napoleon yn it tsjerkegebou makke, ek syn soan leit hjir begroeven.
It Hôtel des Invalides wie in soarte fan stêd yn it lyts, mei eigen militêre en godstsjinstige regels. Oan de ein fan de 17e iuw bea it kompleks ûnderdak oan sa 'n 4000 militêren. Se wiene ferdield yn kompanjes, stiene ûnder lieding fan offisieren en wurken yn 'e skuonmakkerij, it tapytfabryk of de boekferluchting. Hjoed de dei is it kompleks in museum.