Basilique du Sacré-Cœur (Parys)

De Basilique du Sacré-Cœur (Basilyk fan it Hillich Hert fan Jezus) is in roomske basilyk op de heuvel Montmartre yn it 18e Arrondissement yn Parys. De tsjerke waard boud ta neitins oan de 58.000 deaden fan de Frânsk-Dútske Oarloch (1870-1871). De earste stien foar de bou waard lein yn it jier 1875, yn 1914 wie it bouwurk klear. De ynwijïng folge pas yn 1919, in jier nei de Earste Wrâldkriich.

Basilyk fan it Hillich Hert Basilique du Sacré-Cœur
Lokaasje
lân	Frankryk
regio	Île-de-France
plak	Parys
adres	Place de la Madeleine
koördinaten	48° 53 N 2° 20' E
Tsjerklike gegevens
tsjerkegenoatskip	Roomsk-Katolike Tsjerke
aartsbisdom	Parys
patroanhillige	Hillich Hert fan Jezus
Arsjitektuer
arsjitekt	Paul Abadie
boujier	1875-1923
boustyl	Eklektisisme
monumintale status	histoarysk monumint
Webside
Side parochy
Kaart

De Montmartre is 129 meter heech. Hjoed-de-dei binne der in protte toeristen dy't de 222 treppen oprinne om fan de heuvel ôf oer de stêd te sjen. Dêrneist is der ek noch in kabelbaan om de heuvel op te kommen. Toeristen hoege foar de tsjerke gjin yntree te beteljen, de toer en de katakomben binne lykwols net fergees.

Keppeling om utens

• (fr) (in) Offisjeel webstee

Ofbylden dy't by dit ûnderwerp hearre, binne te finen yn de kategory Basilique du Sacré-Cœur de Montmartre fan Wikimedia Commons.