Bokke R.S. Pollema

Bokke R.S. Pollema (folút: Bokke Reinder Simens Pollema; Makkum, 2 juny 1883 – Drylts, 21 septimber 1948) wie in Frysk skriuwer en dichter.

Bokke R.S. Pollema
skriuwer
persoanlike bysûnderheden
oar pseudonym	Bokke Simens
echte namme	Bokke Reinder Simens Pollema
nasjonaliteit	Nederlânsk
berne	2 juny 1883
berteplak	Makkum (Fryslân)
stoarn	21 septimber 1948
stjerplak	Drylts (Fryslân)
etnisiteit	Frysk
wurk
taal	Frysk
sjenre	lit. koarte ferhalen, poëzij
jierren aktyf	±1905 – 1948
offisjele webside
n.f.t.

Libben en karriêre

Pollema waard yn 1883 berne yn Makkum en wurke letter as sjoernalist. Hy wie yn 1915 ien fan 'e oprjochters fan 'e Jongfryske Mienskip. Dêrnjonken wie Pollema aktyf as skriuwer fan koarte ferhalen en gedichten. Ut syn ferhalen, dy't folle mear wurdearre waarden as syn poëzij, sprekt faak in beskate ûnfrede oer de deistige sleur fan it bestean, mar mei de personaazjes dy't besykje en brek út dat rûtinemjittich libben wei, rint it almeast ferkeard ôf. Fierders skopte Pollema graach tsjin hillige húskes oan. Sa koe it dat op ien fan syn ferhalen fûleindige krityk kaam fanwegen de 'seedlike moraal'. Pollema kaam yn 1948 yn 'e âlderdom fan 65 jier yn Drylts te ferstjerren.

Wurk

• 1935 – Lok en Lijen: In Samling Ferhalen út it Bûnte Libben (ferhalebondel, yn 2002 werútjûn as ûnderdiel fan 'e rige Fryske Klassiken II)

Keppeling om utens

• Bokke Pollema yn de DBNL

Boarnen, noaten en referinsjes

Boarnen, noaten en/as referinsjes:

Schroor, Meindert (haadred.), Nieuwe Encyclopedie van Fryslân, De Gordyk/Ljouwert, 2016 (Utjouwerij Bornmeer/Tresoar), ISBN 978-9 05 6153 755, s. 2138.