Boeing C-17 Globemaster III

C-17 Globemaster III
Rol	Strategysk en taktysk transportfleantúch
Makker	McDonnell Douglas, Boeing
Untwerper
Earste flecht	15 septimber 1991
Yn tsjinst	17 jannewaris 1995
Ut tsjinst	yn tsjinst
Tal makke	279 (1991–2015)
Grutste brûkers	United States Air Force, Royal Air Force, Royal Australian Air Force, Indian Air Force
Untwikkele út	McDonnell Douglas YC-15

De Boeing C-17 Globemaster III is in Amerikaansk strategysk transportfleantúch, boud troch Boeing Integrated Defense Systems, dat tsjinnet by de US Air Force, Royal Air Force, Royal Australian Air Force, Canadian Forces Air Command en Qatar Air Force. It waard ûntwurpen as ferfanger fan de Lockheed C-141 Starlifter en om in tal taken fan de Lockheed C-5 Galaxy oer te nimmen. De C-17 krige syn namme fan twa eardere swiere transoportfleanmasines mei sûgermotors, de C-74 Globemaster en de C-124 Globemaster II.

In rige lannen (de NAFO-leden Nederlân, Bulgarije, Denemarken, Estlân, Hongarije, Italië, Letlân, Litouwen, Noarwegen, Poalen, Roemenië, Slovenië, Slowakije, Tsjechië en de Feriene Steaten, teffens Finlân en Sweden) hawwe meiïnoar yn 2009 trije C-17 Globemaster III's oankocht ûnder de neamer Strategic Airlift Capability. Sy binne stasjonearre op de loftmachtbasis Pápa yn Hongarije. Nederlân is in grutte brûker mei mear as 500 fleanoeren. Op 14 july 2009 waard it earste tastel ôflevere; de oare twa folgen yn it neijier.

Mei de C-17 Globemaster III is in flugge strategyske levering fan troepen en materialen fan en nei in haadbasis of nei in foarútskode basis mooglik. It tastel is grut genôch om in Chinook-helikopter te ferfieren. Hy is ek by taktysk ferfier fan bygelyks ferwûnen te brûken en ek foar loftdroppingen.

De C-17 is ûntwurpen om fan fleanfjilden mei koarte en smalle banen (1.064 m. / 27 m.) te operearjen. Fierders kin er brûkt wurde op net-befluorre en rûge banen.

Spesifikaasjes

Cockpit fan in Boeing C-17A Globemaster III

C-17 by it 'tladen fan helpguod nei de Orkaan Katrina

In C-17 fan de 446th Airlift Wing giet de loft yn (Fort Bragg)

Spesifikaasjes	Gegevens
Lingte	53,04 m
Spanwiidte	50,29 m
Fleugeloerflak	353,0 m²
Oerflakbelêsting fleugel	minimaal (leech): 346 kg/m² maksimaal (maks. startgewicht): 745 kg/m²
Hichte	16,79 m
Frachtromte (L × B × H)	26,82 m × 5,49 m × 3,76 m
Gewicht leech	122.016 kg
Maks. startgewicht	263.083 kg
Maks. lading	77.519 kg
Maks. brânstofkapasiteit	134.556 l
Krúsfaasje	818 km/o (op 10.975 m) 650 km/o (op seenivo)
Tsjinstplafond	13.716 m
Fleanberik	sa'n 5.100 km (mei 49.895 kg lading) 4.450 km (mei maks. lading)
Fleanberik mei ekstra brânstof	11.575 km (ferzje C-17A "ER") mei bytanken yn de loft gjin limyt
Oandriuwing	4 Pratt & Whitney F117-PW-100-Turbofans fan 185,55 kN it stik
Driuwkrêft-gewicht ferhâlding	maks. (leech): 0,62 minimaal (maks. startgewicht): 0,29
Cockpit	2 Head-Up-Displays, Fly-by-wire-systeem
Bemanning	kommandant, ko-piloat, laadmaster

Boarnen, noaten en referinsjes

Boarnen, noaten en/as referinsjes:

Commons

Wikimedia Commons

Ofbylden dy't by dit ûnderwerp hearre, binne te finen yn de kategory Boeing C-17 Globemaster III fan Wikimedia Commons.