Carmarthen
Carmarthen (Welsk Caerfyrddin - caer is fort + Myrddin, Moridunum, Merlyn ) is it haadplak fan it greefskip (county) Carmarthenshire yn Wales. It plak leit oan de Towy, dy't 13 km súdliker yn de Baai fan Carmarthen mûnet, en hat sa'n 13.148 ynwenners.
| Carmarthen Caerfyrddin | ||
| ||
| Carmarthenshire County Council | ||
| Bestjoer | ||
| Lân | Feriene Keninkryk | |
| Steat | Wales | |
| Greefskip | Carmarthenshire | |
| Sifers | ||
| Ynwennertal | 14.648 (2001) | |
Doe't Brittanje in Romeinske provinsje wie, wie Carmarthen it haadplak fan de Demeten en hie de namme Moridunum (d.i. seefersterking). Carmarthen is faaks de meast âlde stêd fan Wales dy't al by Ptolemeus foarkomt. Yn de midsiuwen wie Carmarthen strategysk fan sa'n belang dat de Noarman William fitz Baldwin dêr fermoedlik om 1094 hinne in kastiel boude. Carmarthen waard ek de earste bewâle stêd fan it midsiuwske Wales. Yn 1405 waard de stêd oermastere troch Owain Glyndŵr. Neffens guonts waard Merlyn de tsjoender ûnder Carmarthen berne. De namme Merlyn soe dan in feringelsking fan Myrddin wêze.
Fan de 16e iuw oant de 18e iuw hie Carmarthen it heechste ynwennertal fan alle Welske distrikten (boroughs). Mids 19e iuw heakke de befolkingsgroei lykwols, omdat de ûntginning fan de stienkoalfjilden yn Súd-Wales in soad minsken lutsen.
Yn it ferhaal Breuddwyd Macsen Wledig út de Mabinogion is Carmarthen ien fan de trije stêden dy't troch Magnus Maksimus stifte wurde neidat er yn de Romeinske provinsje Brittania oankaam.
-
Guildhall Square. -
Kening Morgan Fuotbrêge. -
The Mount. -
kastiel. -
Tsjerke St. Peter. -
Sint Lammas -
Stânbyld fan William Nott. -
Maridunum Demetarum, in Romeinsk amfiteater yn Carmarthen
Ferneamde persoanen út Carmarthen
bewurkje seksje- Yanto Barker, hurdfytser
- Terry Griffith, snookerspiler
- Deiniol Jones, rugbyspiler
- Roger Moss, byldhouwer
- John Nash, arsjitekt
- Dwayne Peel, rugbyspiler
- Mike Phillips, rugbyspiler
- Matthew Stevens, Snookerspiler