Charles Laughton

Charles Laughton (Scarborough, Ingelân, 1 july 1899 - Hollywood (FSA), 15 desimber 1962) wie in Ingelsk akteur, dy't ek yn Hollywood opgong makke.

Laughton wie de soan fan Robert Laughton en Elizabeth Conlon. Hy folgde syn oplieding oan de Royal Academy of Dramatic Art yn Stonyhurst, en ûntfong dêr in ûnderskieding. Fan 1926 ôf stie er op de planken, om yn 1937 tegearre mei Erich Pommer in filmbedriuw op te rjochsjen: Mayflower Pictures Corp.. Yn 1950 waard Laughton Amerikaansk steatsboarger.

Laughton hat spile yn tal fan films, teaterstikken en letter op radio en telefyzje. Ek as produsint en regisseur hat er tige warber west.

Laughton wie fan 1929 oant syn dea troud mei de aktrise Elsa Lanchester. Se hawwe ek wol tegearre yn deselde films spile: Rembrandt (1936), The Big Clock (1948) en Witness for the Prosecution (1957.) Lanchester ferhellet yn har autobiografy dat Laughton homoseksueel wie en dat hja dêrom gjin bern hiene (Maureen O' Hara hat dat tsjinsprutsen, hja wie befreone mei Laughton). Dat hat Laughton in protte fertriet dien, hy hie graach heit wurde wollen.

Films (seleksje)

Down River (1931)
The sign of the Cross (1932) as Keizer Nearo
The private life of Henry VIII (1933) as Kening Hindrik VIII
Les Misérables (1935)
Mutiny on the Bounty (1935) as kaptein Bligh
Rembrandt (1935) as Rembrandt van Rijn
I, Claudius (1937) as Klaudius
Jamaica Inn (1939)
The hunchback of the Notre Dame (1939) as Quasimodo
Captain Kidd (1945) yn de titelrol
Galileo (1947) as Galileo Galilei
Witness for the Prosecution (1957)
Spartacus (1960) as Sempronius Gracchus

Trivia

Laughton wie de earste akteur dy't de rol fan Hercule Poirot spile, in figuer út de detectiveferhalen fan Agatha Christie.
In sitaat fan Laughton: I have a face like the behind of an elephant ('Ik haw in gezicht as de kont fan in oaljefant')

Keppeling om utens

Wikimedia Commons

Ofbylden dy't by dit ûnderwerp hearre, binne te finen yn de kategory Charles Laughton fan Wikimedia Commons.