1950

Iuwen:	15e	16e	17e	18e	19e	20e iuw	21e	22e	23e	24e	25e
Jierren:	1945	1946	1947	1948	1949	1950	1951	1952	1953	1954	1955

Kalinders
Gregoriaanske kalinder	1950 MCML
Ab urbe condita	2703
Armeenske kalinder	1399 ԹՎ ՌՅՂԹ
Etiopyske kalinder	1942 – 1943
Hebriuwske kalinder	5710 – 5711
Hindoekalinders
- Vikram Samvat	2005 – 2006
- Shaka Samvat	1872 – 1873
- Kali Yuga	5051 – 5052
Iraanske kalinder	1328 – 1329
Islamityske kalinder	1370 – 1370
Juliaanske kalinder	Gregoriaansk min 13 dgn.
Sineeske kalinder	4646 – 4647 丙丑 – 丁寅

1950 is in gewoan jier dat begjint mei in snein. (Gregoriaanske kalinder foar 1950.)

Dit jier makket ûnderdiel út fan it desennium fan 'e 1950-er jierren.

Foarfallen

• 10 jannewaris - De Sovjet-Uny stelt in boycot yn fan 'e Feilichheidsried fan de Feriene Naasjes, om't it foarsitterskip dêrfan oergiet op 'e Republyk Sina (Taiwan), wylst de kommunistyske Folksrepublyk Sina troch de Feriene Naasjes net erkend wurdt.
• 26 jannewaris - Yndia wurdt in republyk.
• 7 febrewaris - De Amerikaanske senator Joseph McCarthy fart yn 'e Amerikaanske Senaat út tsjin 'e kommunisten dy't neffens him it Amerikaansk Ministearje fan Bûtenlânske Saken dominearje soene. Dit is in nije oplibbing fan 'e Twadde Reade Panyk yn 'e Feriene Steaten en teffens fan 'e heksejacht op kommunisten yn alderhanne parten fan 'e Amerikaanske maatskippij.
• 3 maart - It ûnder Frânsk bestjoer steande Protektoraat Saarlân kriget binnenlânsk selsbestjoer.
• 12 maart - By it referindum oer de Keningskwestje stimt yn Belgje in romme mearderheid fan 'e befolking foar de weromkear út ballingskip fan 'e troch syn rol yn 'e Twadde Wrâldoarloch yn opspraak rekke kening Leopold III.
• 14 april - Yn Nederlân wurdt Van Doorne's Automobielfabriek (DAF) iepene.
• 24 april - Op Ambon wurdt de ûnôfhinklikheid fan 'e Republyk fan de Súd-Molukken útroppen.
• 7 maaie - De Sineeske Boargeroarloch einiget mei in oerwinning fan 'e kommunisten en de konsolidaasje fan 'e Folksrepublyk Sina op it Sineeske fêstelân. De nasjonalisten en harren Republyk Sina binne weromkrongen op it eilân Taiwan.
• 7 maaie - SC It Hearrenfean bûcht yn 'e lêste healoere fan de wedstriid tsjin AFC Ajax in 1-5 efterstân om yn in 6-5 oerwinning.
• 6 juny - Poalen en de DDR slute in oerienkomst wêryn't beide lannen de Oder-Neissegrins erkenne as de ynternasjonale grins tusken harren respektivelike grûngebieten.
• 25 juny - Noardkoreaanske troepen falle Súd-Koreä binnen: it begjin fan 'e Koreaanske Oarloch.
• 15 augustus - By in swiere ierdbeving yn Assam en Tibet komme 1.500 oant 3.300 minsken om.
• 7 july - Mei de oanname troch it parlemint fan Súd-Afrika fan 'e Wet op de Groepsgebieten (Group Areas Act) wurdt in begjin makke mei it ynstitúsjonalisearjen fan rasseskieding en rasistyske diskriminaasje yn in systeem dat de namme apartheid kriget.
• 8 july - Yn ôfwêzichheid fan 'e ôffurdige fan 'e Sovjet-Uny (dy't de gearkomsten sûnt jannewaris boycot) kin de Feilichheidsried fan de Feriene Naasjes sûnder swierrichheden de gearstalling fan in ynternasjonale troepemacht ûnder de flagge fan 'e Feriene Naasjes goedkarre, dy't oan Súdkoreaanske kant ynterveniëarje moat yn 'e Koreaanske Oarloch.
• 22 july - De troch syn rol yn 'e Twadde Wrâldoarloch yn opspraak rekke kening Leopold III fan Belgje keart op fersyk fan it Belgyske parlemint werom út ballingskip. Dat liedt ta grutskalige demonstraasjes fan boargers dy't it dêr net mei iens binne.
• 26 july - Keninginne Wilhelmina fan 'e Nederlannen ûntbynt formeel it Keninklik Nederlânsk-Yndysk Leger (KNIL).
• 27 july - De Amerikaanske presidint Harry Truman ûnthjit Chiang Kai-shek, de presidint fan 'e Republyk Sina (Taiwan), militêre bystân yn it gefal fan in ynvaazje fan Taiwan troch de Folksrepublyk Sina.
• 15 septimber - Operaasje Chromite, wêrby't Amerikaanske troepen ûnder lieding fan generaal Douglas MacArthur in lâningsoperaasje útfiere yn 'e neite Inchon, efter de Noardkoreaanske linys, liedt ta in omkear yn 'e Koreaanske Oarloch.
• 21 oktober - By de Sineeske ynfal yn Tibet kringe troepen fan 'e Folksrepublyk Sina it ûnôfhinklike Tibet yn, dat dêrnei troch Sina anneksearre wurdt.
• 26 oktober - De opmars dy't troepen fan Súd-Koreä, de Feriene Steaten en de Feriene Naasjes yn it ramt fan 'e Koreaanske Oarloch troch Noard-Koreä meitsje, berikt de Sineeske grins.
• 27 oktober - 'Frijwilligers' fan it Folksbefrijingsleger fan 'e Folksrepublyk Sina minge har oan 'e kant fan Noard-Koreä yn 'e Koreaanske Oarloch.
• 1 novimber - Twa Portorikaanske nasjonalisten, Griselio Torresola en Oscar Collazo, dogge in moardoanslach op 'e Amerikaanske presidint Harry Truman.
• 4 novimber - It leger fan Yndoneezje feroveret it eilân Ambon op 'e Republyk fan de Súd-Molukken.

Berne

jannewaris

• 8 - Rommy, Frysk folkssjonger († 2007)
• 31 - Sijtje van der Lende, Frysk reedrydster en coach

febrewaris

• 3 - Jan Kooistra, Frysk keunstskilder († 2021)
• 4 - William S. Yellow Robe jr., Amerikaansk toanielskriuwer en dichter
• 10 - Mark Spitz, Amerikaansk swimmer
• 16 - Todd McCarthy, Amerikaansk filmkritikus en dokumintêremakker
• 19 - Aus Greidanus sr., Nederlânsk akteur
• 24 - Vincent van Rossem, Nederlânsk arsjitektuerhistoarikus

maart

• 24 - Minnie Two Shoes, Amerikaansk sjoernaliste en aktiviste († 2010)
• 29 - Peter Timofeeff, Nederlânsk meteorolooch en waarman
• 30 - Robbie Coltrane, Skotsk akteur († 2022)

april

• 5 - Agnetha Fältskog, Sweedsk sjongster (Abba)
• 12 - David Cassidy, Amerikaansk sjonger, lietsjeskriuwer en muzikant († 2017)

maaie

• 6 - Shakey Sam, Frysk bluessjonger en -gitarist († 1981)
• 25 - Evgeny Kûlikov, Russysk reedrider

juny

• 1 - Annemarie Jorritsma, Nederlânsk politika
• 6 - Frank Thring, Ingelsk pornografysk regisseur en akteur
• 11 - Lynsey de Paul, Ingelsk sjongeres († 2014)
• 14 - Frâns Faber, Frysk keunstskilder en dosint
• 18 - Jan de Jong, Frysk fûgelkenner en kollumnist
• 18 - Heddy Lester, Nederlânske sjongster en aktrise
• 19 - Gryt van Duinen, Frysk sjoernaliste, programmamakster en politika († 2023)
• 25 - Tatjana Averina, Russysk reedrydster († 2001)
• 29 - Michael Whelan, Amerikaansk boekbânûntwerper en yllustrator

july

• 2 - Agneta Eckemyr, Sweedsk aktrise, model en moade-ûntwerpster († 2018)
• 7 - Gosse Dam, Frysk keunstner
• 17 - Derek de Lint, Nederlânsk akteur
• 20 - Tantoo Cardinal, Kanadeesk aktrise
• 26 - Nicholas Evans, Ingelsk skriuwer († 2022)

augustus

• 2 - Francesca Zijlstra, Frysk byldhouster

septimber

• 10 - Rein Jonker, Frysk maratonrider
• 26 - Henk van der Velde, Frysk sporter († 1983)

oktober

• 5 - Laura Gemser, Nederlânsk softcore-pornoaktrise.
• 14 - Sheila Young, Amerikaansk reedrydster en baanhurdfytster
• 17 - Sandra Reemer, Nederlânsk sjongster en presintatrise. († 2017)
• 19 - Cees Greuter, Frysk sjonger († 2015)

novimber

• 12 - Coen van Vrijberghe de Coningh, Nederlânsk akteur († 1997)

desimber

• 18 - Leonard Maltin, Amerikaansk filmkritikus
• 29 - Jon Polito, Amerikaansk akteur († 2016)

datum ûnbekend

• Anne Bishop, Amerikaansk skriuwster
• James DiGiorgio, Amerikaansk regisseur en filmprodusint

Ferstoarn

jannewaris

• 21 - George Orwell, Ingelsk skriuwer (* 1903)

maart

• 1 - Alfred Korzybski, Poalsk taalkundige (* 1879)
• 12 - Heinrich Mann, Dútsk skriuwer (* 1871)
• 19 - Edgar Rice Burroughs, Amerikaansk skriuwer (* 1875)
• 26 - Rinske Visscher, Frysk Publisist (* 1868)

maaie

• 6 - Clarence Addison Dykstra, Amerikaansk heechlearaar, politikus en ûnderwiisbestjoerder (* 1883)

july

• 7 - Jarich van der Wielen, Frysk politikus en bestjoerder (* 1880)

augustus

• 10 - Hendrik Jan Popping, Frysk boekhanneler, drukker en amateur-argeolooch (* 1885)
• 19 - Swarte Wapity (Black Elk), medisynman fan 'e Lakota (* 1863)
• 25 - Fokke Jacobs de Zee, Frysk skriuwer, taalaktivist en boargemaster (* 1874)

oktober

• 18 - A.A. Verdenius, Nederlânsk skriuwer (* 1876)
• 29 - kening Gustaaf V fan Sweden (* 1858)

Literatuer

romans

• Simon Vestdijk, De Koperen Tuin (oerset yn it Frysk as De Koperen Tún)

poëzij

• Pablo Neruda, Leviathan (oerset yn it Frysk as Leviathan)
• Paulus Folkertsma, It Muzyk Giet troch de Buorren
• Pablo Neruda, Los Peces y el Ahogado (oerset yn it Frysk as De Fisken en de Drenkeling)
• Pablo Neruda, Las Satrapías (oerset yn it Frysk as De Satrapen)

toaniel

• Eugène Ionesco, La Cantatrice Chauve (oerset yn it Frysk as De Keale Sjongster)
• Eugène Ionesco, Les Salutations (oerset yn it Frysk as Begroetingen)

Jierren:	1945	1946	1947	1948	1949	1950	1951	1952	1953	1954	1955
Iuwen:	15e	16e	17e	18e	19e	20e iuw	21e	22e	23e	24e	25e

Boarnen, noaten en referinsjes

Boarnen, noaten en/as referinsjes:

Commons Wikimedia Commons  Ofbylden dy't by dit ûnderwerp hearre, binne te finen yn de kategory 1950 fan Wikimedia Commons.