Laura Gemser

Laura Gemser (folút: Laurette Marcia Gemser; Soerabaja, 5 oktober 1950) is in rêstend Nederlânsk softcore-pornoaktrise, mainstream-aktrise en kostúmûntwerpster fan mingd Javaansk-Nederlânsk etnysk komôf. Hja makke yn 'e 1970-er jierren furoare yn 'e titelrol fan 'e sêft-pornografyske Black Emanuelle-filmrige. Letter spile se ek yn mainstream-films. Gemser hat no de Italjaanske nasjonaliteit en liedt in weromlutsen bestean yn Rome.

Laura Gemser
persoan yn de seksyndustry
Laura Gemser yn 'e film Emanuelle e gli Ultimi Cannibali (Emanuelle and the Last Cannibals) út 1977.
persoanlike bysûnderheden
oare artyste-        nammen	Moira Chen
echte namme	Laurette Marcia Gemser
nasjonaliteit	Nederlânsk Italjaansk
berne	5 oktober 1950
berteplak	Soerabaja (Yndoneezje)
etnisiteit	Javaansk Nederlânsk
wurkpaad
wurksum as	neakenmodel, softcore-aktrise, aktrise, kostúmûntwerpster
jierren aktyf	1974 – 1992 (as aktrise)
offisjele webside
Laura Gemser yn 'e IMDb

Libben en karriêre

Jonkheid en oplieding

Gemser waard yn 1950 berne yn Soerabaja, op it Yndonezyske haadeilân Java. Hja is fan mingd Nederlânsk-Javaansk etnysk komôf. Yn 1955, doe't se fjouwer jier wie, emigrearre se mei har âlden nei Nederlân, dêr't se fierder opgroeide yn Utert. Se trochrûn de middelbere skoalle oan 'e Regentesseschool, dat in MULO wie. Neitiid folge se in oplieding moadeûntwerpen oan 'e Uterter Artibus Keunstakademy.

Laura Gemser yn Emanuelle Nera (Black Emanuelle) yn 1975.

Filmkarriêre

Nei't se as neakenmodel posearre hie foar ferskate neakenblêden yn Nederlân en Belgje, ferfear Gemser yn 1974 nei Itaalje, dêr't se de haadrol spile yn 'e eroatyske film Amore Libero – Free Love fan regisseur Pier Ludovico Pavoni. Dat waard in kassúkses yn 'e bioskopen. Op basis fan dat súkses waard oan Gemser yn 1975 de titelrol taparte yn 'e sêft-pornografyske film Emanuelle Nera (ynternasjonale titel: Black Emuanuelle), in fariaasje op it tema fan 'e oarspronklike filmsearje Emanuelle mei Sylvia Kristel yn 'e haadrol.

Black Emanuelle betsjutte foar Gemser de trochbraak, net inkeld yn Itaalje, mar ek ynternasjonaal. Neitiid waarden in stikmannich ferfolchfilms makke, wêrûnder Emanuelle Nera: Orient Reportage (Emanuelle in Bangkok, 1976), Emanuelle in America (1977), Suor Emanuelle (Sister Emanuelle, 1977), Emanuelle: Perché Violenza alle Donne? (Emanuelle Around the World, 1977), Emanuelle e gli Ultimi Cannibali (Emanuelle and the Last Cannibals, 1977) en La Via della Prostituzione (Emanuelle and the White Slave Trade, 1978).

Letter spile Gemser ek yn ferskate mainstream-films, wêrûnder de Amerikaanske tillefyzjefilm Love is Forever (1983), fan akteur en regisseur Michael Landon (benammen bekend fan The Little House on the Prairie). Dêryn fertolke Gemser de rol fan Keo Sirisomphone, in Laotiaanske flechtlinge. Fanwegen har pornografysk ferline stie Landon der lykwols op dat se foar de rol in skûlnamme oannimme soe, en sadwaande stie Gemser op 'e ôftiteling fan Love is Forever fermeld as Moira Chen.

Gemser troude mei de Italjaanske akteur Gabriele Tinti, mei wa't se yn ferskate films gearwurke. Har lêste filmrol hie se yn 1992. Dêrnjonken wie se fan 1988 oant 1992 yn 'e Italjaanske filmyndustry ek wurksum as kostúmûntwerpster. Yn 1991, doe't Tinti ferstoar, waard Gemser widdo. Troch har houlik hie se de Italjaanske nasjonaliteit krigen. Tsjintwurdich liedt se in weromlutsen bestean yn har wenplak Rome.

Filmografy

Filmografy as aktrise
jier	titel	rol of funksje	opmerkings
films
1974	Amore Libero – Free Love	Jeannie	op 'e ôftiteling fermeld as "Emanuelle"
1975	Emanuelle Nera	Emanuelle	ynternasjonale titel: Black Emanuelle
1975	Emmanuelle l'Antivergine	masseuze	ynternasjonale titel: Emmanuelle 2
1976	Emanuelle Nera: Orient Reportage	Emanuelle	ynternasjonale titel: Emanuelle in Bangkok
1976	La Spiagga del Desiderio	Haydee	ynternasjonale titel: Emmanuelle on Taboo Island
1976	Eva Nera	Eva	ynternasjonale titel: Black Cobra Woman
1976	Velluto Nero	Emanuelle	ynternasjonale titel: Smooth Velvet, Raw Silk
1976	Voyage of the Damned	minneresse fan Estrede	net fermeld op 'e ôftiteling
1977	Emanuelle in America	Emanuelle
1977	I Due Superpiedi Quasi Piatti	Susy Lee	ynternasjonale titel: Crime Busters
1977	Voto di Castità	Iliana	ynternasjonale titel: Vow of Chastity
1977	Suor Emanuelle	Emanuelle	ynternasjonale titel: Sister Emanuelle
1977	Emanuelle: Perché Violenza alle Donne?	Emanuelle	ynternasjonale titel: Emanuelle Around the World
1977	Emanuelle e gli Ultimi Cannibali	Emanuelle	ynternasjonale titel: Emanuelle and the Last Cannibals
1977	Le Notti Porno nel Mondo	harsels	ynternasjonale titel: Porno Nights of the World
1978	La Via della Prostituzione	Emanuelle	ynternasjonale titel: Emanuelle and the White Slave Trade
1978	Emanuelle e le Porno Notti nel Mondo n.2	harsels	ynternasjonale titel: Emanuelle and the Porno Nights of the World
1978	La Donna della Calda Terra	de frou	ynternasjonale titel: Emanuelle: A Woman from a Hot Country
1978	Voglia di Donna	Afrikaanske prinsesse	ynternasjonale titel: Desire of a Woman
1978	Exit 7	stewardess
1979	Malizia Erotica	freondinne fan Verónica	alternative titel: El Periscopio; ynternasjonale titel: …And Give Us Our Daily Sex
1979	Collections privées	Malinka	ynternasjonale titel: Private Collections
1980	International Prostitution: Brigade Criminelle	Tazzi	ynternasjonale titel: International Prostitution
1980	Porno Exotic Love	Eva	ynternasjonale titel: Sexy Erotic Love
1980	Le Notti Erotiche dei Morti Viventi	Luna	ynternasjonale titel: Erotic Nights of the Living Dead
1980	I Mavri Emanuelle	Emanuelle Brindisi	ynternasjonale titel: Emanuelle's Daughter of Emanuelle, Queen of Sados
1981	Follia Omicida	Beryl Fisher	ynternasjonale titel: Murder Obsession
1981	Love Camp	de Godlike	ek bekend as Divine Emanuelle
1981	Bushido: La Spada del Sole	Tomoe	ynternasjonale titel: The Bushido Blade
1982	Violenza in un Carcere Femminile	Emanuelle Larson	ynternasjonale titel: Violence in a Women's Prison
1982	Safari senza Ritorno	Maria	ynternasjonale titel: Invaders of the Lost Gold of Horror Safari
1982	Ator l'Invincibile	Indunn	ynternasjonale titel: Ator: the Fighting Eagele
1982	Caligola: La Storia Mai Raccontata	Myriam	ynternasjonale titel: Caligula II: The Untold Story
1982	Messo Comunale Praticamente Spione	dr. Selenia Anselmi	ynternasjonale titel: Emanuelle in the Country
1982	La Belva dalla Calda Pelle	Sheila	ynternasjonale titel: Emanuelle, Queen of the Desert
1983	Blade Violent – I Violenti	ûnbekend
1983	Love is Forever	Keo Sirisomphone	Amerikaanske tillefyzjefilm; ek bekend as Comeback; op 'e ôftiteling fermeld as "Moira Chen"
1983	Emanuelle Fuga dall'Inferno	Emanuelle	ynternasjonale titel: Women's Prison Massacre of Emanuelle Escapes from Hell
1983	Endgame: Bronx Lotta Finale	Lilith	ynternasjonale titel: Endgame
1985	L'Alcova	Zerbal	ynternasjonale titel: The Alcove
1985	Il Piacere	Haunani	ynternasjonale titel: The Pleasure
1986	Voglia di Guardare	Josephine	ynternasjonale titel: Desire of the Guards
1988	Top Model	Dorothy / Eve	ek bekend as Undici Giorni, Undici Notti of Eleven Days, Eleven Nights
1988	Riflessi di Luce	Chiara	ynternasjonale titel: Reflections of Light
1990	Metamorphosis	prostituee
1990	Quest for the Mighty Sword	Grimilde
1991	Undici Giorni, Undici Notti 2	Jackie Forrest	ynternasjonale titel: Eleven Days, Eleven Nights 2
1992	Una Tenera Storia	sekretaresse fan Karen	ynternasjonale titel: Love Project; net fermeld op 'e ôftiteling
1999	Joe d'Amato Totally Uncut	ferskaat	dokumintêre oer regisseur Joe d'Amato en syn wurk, mei fragminten út ferskate films

Keppelings om utens

• (in) Folsleine filmografy fan Laura Gemser yn 'e Internet Movie Database (IMDb)

Boarnen, noaten en referinsjes

Boarnen, noaten en/as referinsjes:

Foar boarnen en oare literatuer, sjoch ûnder: References, op dizze side. Commons Wikimedia Commons  Ofbylden dy't by dit ûnderwerp hearre, binne te finen yn de kategory Laura Gemser fan Wikimedia Commons.