James DiGiorgio
James DiGiorgio (yn 'e Feriene Steaten, 1950), is in Amerikaansk rêstend regisseur, produsint en senarioskriuwer fan pornografyske films. Hy sette yn 1987 útein mei in wurkpaad yn 'e Amerikaanske pornoyndustry en makke mear as hûndert films. Yn 2010 beëinige er syn karriêre.
| James DiGiorgio | ||
 persoan yn de seksyndustry
| ||
| ||
| James DiGiorgio mei aktrise Johnni Black yn 1999. | ||
| persoanlike bysûnderheden | ||
| echte namme | James DiGiorgio (?) | |
| nasjonaliteit |  Amerikaansk
| |
| berne | 1950 | |
| berteplak | ûnbekend (Feriene Steaten) | |
| etnisiteit |  Italjaansk
| |
| wurkpaad | ||
| wurksum as | regisseur, filmprodusint, senarioskriuwer | |
| jierren aktyf | 1987 – 2010 | |
| offisjele webside | ||
| gjint | ||
Libben en karriêre
bewurkje seksjeDiGiorgio waard yn 1950 berne earne yn 'e Feriene Steaten. Hy is fan Italjaansk etnysk komôf. Hy sette yn 1987, doe't er 37 jier wie, útein mei in karriêre as regisseur yn 'e Amerikaanske pornoyndustry. Dêrby fungearre er ek wolris as filmprodusint, en skreau er faak syn eigen senario's. Hy wurke foar filmstudio's as VCA Pictures, Vivid Entertainment, Sin City, Red Light District, Hustler Video, Shane's World en Legend Video.
Ien fan 'e bekendste films fan DiGiorgio wie Boobwatch, út 1996, in parody fan it grutte-boarstesjenre op 'e aksjesearje Baywatch, dy't yn 'e 1990-er jierren tige populêr wie. Foar Broken, út 2008, waard er nominearre foar in prestizjeuze AVN Award (de Oscar fan 'e pornoyndustry) yn 'e kategory bêste fideografy. Yn totaal makke DiGiorgio neffens de Internet Adult Film Database (IAFD) 113 pornofilms.
De Internet Movie Database (IMDb) telt fierders 39 films wêrby't er as kameraman belutsen wie, 15 films wêrfoar't er de montaazje die, 8 films dêr't er it senario foar skreau, 8 films dêr't er de kamerarezjy foar fersoarge, 4 films dy't er produsearre, 3 films wêrfoar't er de produksjemanager wie, en 1 film dêr't er as artdirector yn behelle wie. DiGiorgio spile ek wol as akteur yn syn eigen films, mar altyd yn net-seksuële figuranteroltsjes. Yn 2010 breide er in ein oan syn wurkpaad yn 'e pornoyndustry.
Prizen en nominaasjes
bewurkje seksje| jier | priis | resultaat | kategory | foar har optreden yn |
|---|---|---|---|---|
| 2008 | AVN Award | nominearre | bêste fideografy (mei Marco Banderas, Axel Braun, Chris Hall, Ethan Kane en Dr. Philgood) | Broken |
Keppelings om utens
bewurkje seksje- (in) Biografy en filmografy fan James DiGiorgio yn 'e Internet Movie Database (IMDb)
- (in) Biografyske gegevens en filmografy fan James DiGiorgio yn 'e Internet Adult Film Database (IAFD)
- (in) Biografyske gegevens en filmografy fan James DiGiorgio yn 'e Adult Film Database (AFD)
| Boarnen, noaten en/as referinsjes: |