Dún Laoghaire

Dún Laoghaire - sa'n bytsje útsprekke as "dûn learjy" - is in Ierske stêd sa'n 10 kilometer besuden Dublin, oan de Baai fan Dublin. De stêd is benammen bekend as de haven fan de feartsjinsten nei Holyhead yn Wales en Liverpool yn Ingelân. Fierder is it de thúshaven fan in tal grutte jacht- en sylklups. De haven hat twa pieren, fral de eastpier lûkt in protte rekreänten.

Dún Laoghaire
Bestjoer
Lân	Ierlân
Provinsje	Leinster
Greefskip	Dun Laoghaire Rathdown
Sifers
Ynwennertal	23857 (2006)
Hichte	0-24 m
Oar
Koördinaten
Offisjele webside
dun-laoghaire.com

Op in hoannestap fan de haven leit de Martellotoer dy't wrâldferneamd wurden is as plak dat foar komt yn it boek Ulysses fan James Joyce.

Yn 1821 waard de stêd offisjeel omdoopt yn Kingstown ta eare fan in besite fan de Britske kening George IV. Hûndert jier letter krige de stêd har âlde namme werom. De namme komt fan kening Laoghaire (5e iuw), dy't de earste west hawwe soe om Sint Patrick tastimming te jaan it kristendom yn Ierlân te preekjen. It wurd dún betsjut fort.

Bekende lju út Dún Laoghaire

• Ronnie Drew (1934–2008), muzikant en ferteller
• Fergus Slattery (* 1949), rugbyspiler
• Bob Geldof (* 1951), muzikant en aktivist
• Tony Adams (1953–2005), produsint
• Jamie O’Neill (* 1962), skriuwer en sjoernalist

• 
  De fearboat HSS Stena Explorer yn Dún Laoghaire
• 
  Eastpier
• 
  Fjoertoer westpier
• 
  De haven yn 1895 fan doe noch Kingstown

Commons

Wikimedia Commons

Ofbylden dy't by dit ûnderwerp hearre, binne te finen yn de kategory Dun Laoghaire fan Wikimedia Commons.