Del Rey Books
Del Rey Books is in Amerikaanske útjouwerij dy't fêstige is yn New York. It bedriuw waard yn 1977 oprjochte as in ymprint fan Ballantine Books, troch boekeredakteur Lester del Rey en dy syn frou Judy-Lynn del Rey. Ballantine Books wie sels al sûnt 1973 in ymprint fan Random House, en Random House waard yn 1998 oernommen troch it Dútske útjouwersconcern Bertelsmann AG.
| Del Rey Books | ||
| ||
| algemien | ||
| nasjonaliteit |  Amerikaansk
| |
| type | privaat | |
| sektor | útjouwerij | |
| haadkertier | New York (New York) | |
| oprjochte | 1977 | |
| oprjochter | Lester del Rey en Judy-Lynn del Rey | |
| eigner | Bertelsmann AG | |
| mem | Random House | |
| dochters | Del Rey Manga † LucasBooks | |
| offisjele webside | ||
| sf-fantasy.suvudu.com | ||
Del Rey Books leit him benammen ta op 'e útjefte fan science fiction en fantasy-literatuer. Foarhinne publisearre de útjouwerij ek mangastrips ûnder de no net mear besteande ymprint Del Rey Manga. Fierders bringt Del Rey Star Wars-romans út ûnder de ymprint LucasBooks.
Under de auteurs fan wa't wurk by Del Rey publisearre is, binne Isaac Asimov, Terry Brooks, Arthur C. Clarke, James Clemens, Philip K. Dick, Stephen R. Donaldson, David Eddings, Robert A. Heinlein, Robert E. Howard, H.P. Lovecraft, Anne McCaffrey, Elizabeth Moon, Larry Niven, Naomi Novik, J.R.R. Tolkien en Harry Turtledove.
Keppelings om utens
bewurkje seksje| Boarnen, noaten en/as referinsjes: |
|
Foar boarnen en oare literatuer, sjoch ûnder: References, op dizze side. |