Durk van der Schaaf

Durk van der Schaaf (Bitgummole, 1938) is in Fryske boer en foarfjochter op it mêd fan biologyske lânbou. Fierder hat er him ynset foar ûntwikkelingsgearwurking yn lannen as Bolivia en Roemeenje en hat er jierren gemeenteriedslid west yn Menameradiel. Hy wurdt sjoen as in pionier fan de biologyske lânbou en hat grutte ynfloed hân op de ûntwikkeling fan dizze sektor yn Fryslân en dêrbûten. Syn wurk en ynset hawwe bydroegen oan in tanimmend bewustwêzen fan it belang fan duorsume en biologyske lânboupraktyken.

Iere Libben en Underwiis

Durk van der Schaaf waard berne as soan fan in boer en keapman, dy't ek de oprjochter wie fan de FOBEK (Foar Boer en Keapman). Nei de legere skoalle folge er de túnbouskoalle yn Berltsum, wêr’t er fjouwer dagen yn 'e wike nei skoalle gie en twa dagen by in túnker wurke.

Biologyske Lânbou

Nei syn tsjinstpicht waard er boer, en wie al betiid oertsjûge fan it belang fan biologyske lânbou. De trochbraak kaam troch syn kontakt mei yngenieur Haitsma, in spesjalist yn ierappelferedeling, dy't him oantrune om biologysk te buorkjen. Haitsma holp Durk om syn biologyske produkten te ferkeapjen fia syn grientewinkels yn Grins en Burgum. Sadwaande waard Durk yn 1966 ien fan de earsten yn de regio dy't biologysk buorke, nettsjinsteande de krityk fan oaren yn de sektor.

Polityk

Njonken syn ynset foar biologyske lânbou, hie Durk ek in lange tiid in sit yn de gemeenteried fan Menameradiel, wêrby't er him ynset hat foar de belangen fan de lokale mienskip en it Frysk.

Boarnen, noaten en referinsjes

Boarnen, noaten en/as referinsjes:

Saadsum, yn Frysklân Regional Products Durk van der Schaaf genomineerd als Held van de Fryske Smaak, op FryskEkoprodukt Onderwijservaringen drie generaties bio-boeren, yn Ekoland, april 2016 (útjûn troch WUR; sjoch foar de URL-keppeling op 'e Oerlisside)