Gaspar de Portolà
Gaspar de Portolà i Rovira (1716 – 1784) wie in militêr, gûverneur fan Baja Kalifornje en Alta California (1767 oant 1770), ûntdekkingsreizger en stifter fan San Diego en Monterey.
.jpg)
Hy waard berne yn Os de Balaguer yn de provinsje Lleida, yn Kataloanje, Spanje en hearde ta de Katalaanske adel. Don Gaspar tsjinne as soldaat yn it Spaanske leger yn Itaalje en Portugal. Hy waard faandrich yn 1734 en luitenant yn 1743. Hy stoar yn Spanje yn 1784.