Grafhorst (Nederlân)

Grafhorst is in lyts stedsje yn de gemeente Kampen, yn de Nederlânske provinsje Oerisel. Grafhorst krige yn 1333 stedsrjochten. Yn 2023 hie it stêdsje sa'n 1.050 ynwenners.

Grafhorst
Grafhorst sjoen fanút it súdwesten (2012)
Emblemen
Bestjoer
Lân	Nederlân
Provinsje	Oerisel
Gemeente	Kampen
Sifers
Ynwennertal	1.050 (2023)
Oerflak	1,57 km² dêrfan lân: 1,41 km² dêrfan wetter: 0,16 km²
Befolkingsticht.	669 ynw./km²
Oar
Ferkearsieren	N760
Postkoade	8277
Tiidsône	UTC +1
Simmertiid	UTC +2
Koördinaten
Kaart

Grafhorst leit tusken it Ganzendiep, in wetter dat in ferbining foarmet mei de rivier de Isel en it Swarte mar, en de Kamperzeedijk.

Oant 1 jannewaris 1937 wie Grafhorst in selsstannige gemeente. Dêrnei makke it diel út fan de gemeente IJsselmuiden. Doe't de gemeente IJsselmuiden op 1 jannewaris 2001 by de gemeente Kampen foege waard, gie ek Grafhorst diel útmeitsje fan Kampen.

Yn it Ganzendiep deun njonken Grafhorst is yn de Twadde Wrâldkriich in bommesmiter delsketten (troch in lânwacht út polder Mastenbroek wei). Ien persoan hat dit oerlibbe, de oare seis fleaners kamen om, en lizze begroeven op it begraafplak fan Grafhorst.

Tradisjoneel wurdt yn Grafhorst sûnt 1333 yn oktober de "biestemerk" (bistemerk) holden, in doarpsfeest anneks feemerk. It fee is ûnderwilens al jierren net mear te bekennen, mar it tradisjonele feest wurdt noch hieltyd fierd op de twadde tiisdei fan oktober, Grafhorsters en âld-Grafhorsters komme dan byinoar om iel en krintebôle te iten.

Boarnen, noaten en referinsjes

Boarnen, noaten en/as referinsjes:

Commons Wikimedia Commons  Ofbylden dy't by dit ûnderwerp hearre, binne te finen yn de kategory Grafhorst, Nederlân fan Wikimedia Commons.