Habermann (film)

Habermann (Tsjechysk: Habermannův mlýn) is in Dútsk-Eastenryksk-Tsjechyske filmproduksje út 2010. De histoaryske film giet oer de skiednis fan de ûndernimmer en Sudetendútser August Habermann yn de Twadde Wrâldkriich en is basearre op de roman Habermanns Mühle (Tsjechysk: Habermannův mlýn) fan de Tsjech Josef Urban.

Habermann
film
makkers
regisseur	Juraj Herz
produsint	Karel Dirka
senario	Jan Drbohlav en Juraj Herz
spilers
haadrollen	Mark Waschke, Karel Roden, Ben Becker
skaaimerken
lân/lannen	Dútslân Eastenryk Tsjechje
premiêre	2010
foarm	langspylfilm
sjenre	drama; oarloch
taal	Dútsk, Tsjechysk
spyltiid	104 minuten

Ferhaal

August Habermann hie yn de jierren 1930 de lieding oer in houtseagerij. Op de houtseachmûne fan de Folksdútser, in echt famyljebedriuw, wurken net allinnich Dútsers mar wiene ek in soad wurknimmers fan Tsjechysk komôf. Habermann hie in soad oansjen yn it doarp en troude krekt foar de Dútske ynfal yn 1938 mei de kreaze frou Jana. Hja wie by de nonnen grut brocht en tawijd katolyk, mar wat hja sels net wit is dat har heit fan joadske komôf wie en dat hja neffens de rassewetten fan de nazy's offisjeel as in healjoad klassifisearre waard.

Fan ôf it momint dat it Tredde Ryk it Sudetelân heim ins Reich hellet, komt der in ein oan it fredige bestean yn it doarp. Mei de komst fan Sturmbannführer Koslowski brekt in perioade fan ferdieling en geweld oan. Der ûnstiet yn de mienskip in djippe kleau en Habermann, dy't net ynteresearre is yn polityk, komt tusken de fronten fan de ferskate groepen te stean. Foar de nazy's jildt Habermann as ien dy't it mei de Tsjechen hâldt en foar de Tsjechen is Habermann in besetter woarn.

Nei't de nazy's ferdreaun binne, folget der in nije weach fan geweld en no foarmje de Tsjechen de dieders en de Sudetendútsers it slachtoffer. It ûnrjocht tsjin de Sudetendútsers is in tema dat mei ferfilming fan de roman fan Josef Urban foar it earst op it wite doek breder omtinken krige.

Rolverdieling

• Mark Waschke - August Habermann
• Hannah Herzsprung - Jana Habermann
• Wilson Gonzalez Ochsenknecht - Hans Habermann
• Karel Roden - Karel Březina
• Franziska Weisz - Martha Březina
• Ben Becker - Koslowski
• Erika Guntherova - doarpsynwenner
• Andrej Hryc - Hartel
• Zuzana Kronerová - Eliška

Underskiedings

• Bayerischer Filmpreis (bêste regy en bêste akteur)
• Earste priis fan it Jewish World Film Festival 2010.
• Underskieden mei it "Prädikat Besonders Wertvoll" fan de Deutsche Film- und Medienbewertung.

Keppeling om utens

• (in) IMDb Habermann

Boarnen, noaten en referinsjes

Boarnen, noaten en/as referinsjes:

Dizze side is alhiel of foar in part in oersetting fan de Dútske Wikipedyside; sjoch foar de bewurkingsskiednis: [1]