Hallstatt

Hallstatt is in plak en gemeente yn it distrikt Gmunden (GM) yn de Eastenrykske dielsteat Opper-Eastenryk.

Hallstatt
Bestjoer
Lân	Eastenryk
Dielsteat	Boppe-Eastenryk
Distrikt	Gmunden
Boargemaster	Alexander Scheutz (SPÖ)
Sifers
Ynwennertal	794 (2012)
Oerflak	59,8 km²
Befolkingsticht.	13 / km²
Hichte	511 m
Oar
Tiidsône	CET (UTC+1)
Simmertiid	CEST (UTC+2)
Offisjele webside
www.hallstatt.at

Geografy

Hallstatt leit oan de Hallstättersee, en wie oant yn de jierren 60 fan de 20e iuw allinne oer de mar te berikken. Súdeastlik fan Hallstatt, oan de súdigge fan de mar, leit de gemeente Obertraun. Hallstatt leit op in smelle streek grûn tusken de Halstättersee en de Dachsteinbergen, mei syn Hallstatt-gletsjer.

It besjen wurdich

It museum fan Hallstatt hat prehistoaryske artefakten fan de Hallstatt-kultuer, in Keltyske kultuer út it earste millennium foar ús jiertelling, dy't nei Hallstatt ferneamd is. De St. Michaelkapel fungearret as skrinkelhûs, de Karner. Meidat dêr net folle grûn ta foldwaan is foar begraafplakken wurde liken nei safolle tiid wer foar it ljocht helle. Hûnderten plassen en bonkerakken fan ferstoarne ynwenners fan Hallstatt lizze útstald efter tralys.

Oer kuierpaden yn de bergen kinne archeologyske fynplakken besocht wurde. De oerbliuwsels fan de Hallstatt-kultuer waarden foar it earst ûntdutsen troch Johann Georg Ramsauer yn 1846. Yn de 17 jier dêrnei lei er sa'n 1000 grêven bleat. Ramsauer syn oarspronklike oantekeningen binne yn it Hallstattmuseum te besjen, njonken autentyk mynwerkersark dy't yn de, no iuwenâlde, sâltminen fan Hallstatt brûkt waarden.

• 
  Kristustsjerke
• 
  Pfarrkirche Maria Himmelfeart
• 
  Skrinkelhûs
• 
  Sâltmyn
• 
  Museum Hallstatt

Sjoch ek

• Hallstatt-kultuer

Keppeling om utens

Commons

Wikimedia Commons

Ofbylden dy't by dit ûnderwerp hearre, binne te finen yn de kategory Hallstatt fan Wikimedia Commons.