Herbert James Draper

Herbert James Draper (Londen, novimber 1863 of 1864 - dêre, 22 septimber 1920) wie in Ingelsk keunstskilder en yllustrator út it Fiktoriaansk tiidrek.

Herbert James Draper
keunstner
Herbert James Draper, 1900
persoanlike bysûnderheden
nasjonaliteit	Britsk
berne	1863 of 1864
berteplak	Londen
stoarn	22 septimber 1920 (56 jier)
stjerplak	Londen
wurkpaad
wurksum as	Skilder, yllustrator
streaming	Klassisisme
bekendste   wurk(en)	The Lament for Icarus, 1898
prizen	Gold Medal, 1890 Travelling Scholarship, 1890

Libben en wurk

Draper werd geboren in Londen as soan fan juwelier Henry Draper en syn oarehelte Emma. Nei in stúdzje oan de Royal Academy of Arts makke er mear as ien stúdzjereizen nei Parys en Rome. Yn 1891 boaske er oan Ida Williams, mei wa't er in dochter krige. Yn de njoggentiger jierren wurke er behalven as skilder ek in protte as boekyllustrator, om sa troch de tiid te kommen.

Draper syn meast produktive perioade wie fan 1894 ôf oan. Hy skildere yn dy jierren foaral temas út de (meast Grykske) mytology op grut formaat. Syn yn 1898 skildere wurk "The Lament for Icarus" wûn yn 1900 ûnder de wrâldtentoanstelling yn Parys in gouden medalje. Dat wurk waard letter kocht foar de Tate Gallery út it legaat fan Francis Leggatt Chantrey. Draper wie ek ferantwurdlik foar de plafondskilderingen fan de Drapers' Hall yn de City fa Londen.

Hoewol't Draper gjin lid wie fan de Royal Academy die er fan 1887 oant koart foar syn dea alle jierren mei oan harren eksposysjes. By syn libben wie Draper wiidferneamd, foaral fanwegen de portretten dy't er skildere. Tsjin de ein fan syn libben waard syn populariteit minder. Tsjintwurdich binne der net folle minsken mear dy't syn wurk kenne.

Draper stoar oan de gefolgen fan arterioskleroaze yn de âldens fan 56 jier, thús oan de Abbey Road.

Galery

• 
  Calypso's Isle, (1897)
• 
  The Lament for Icarus, (1898)
• 
  The Gates of Dawn, (1900)
• 
  Tristan en Isolde, (1901)
• 
  The Golden Fleece, (1904)
• 
  Ariadne, (om 1905)
• 
  The Pearls of Aphrodite, (1907)
• 
  The Water Nixie, (1908)
• 
  Ulysses and the Sirens, (1909)
• 
  Lamia, (1909)
• 
  Clyties of the Mist, (1912)
• 
  The Kelpie, (1913)
• 
  Halcyone, (1915)
• 
  The Vintage Morn

Literatuer

• Toll, Simon: Herbert Draper 1863-1920: A Life Study; Antique Collector's Club; 2003; ISBN 1-85149-378-6

Keppelingen om utens

• H J Draper (Victorian Web)
• H J Draper online (ArtCyclopedia)
• Wurk fan H J Draper (Tate Gallery)
• H J Draper (Art Renewal Center)