Inga Artamonova

Inga Grigorjevna Artamonova (Moskou, 29 augustus 1936 - Moskou, 4 jannewaris 1966) wie in Russysk reedrydster dy't útkaam foar de Sovjetuny. Se wie ek wol bekend ûnder har troude namme Inga Voronina en Inga Voronina-Artamonova. Artamonova begûn as jong famke mei roeien, yn dizze sport waard se kampioene fan de Sovjetuny by de junioaren. Letter begûn se mei it langebaanriden. Artamonova waard Wrâldkampioene yn 1957, 1958 en 1962, waard yn 1963 en 1964 twadde en helle har fjirde wrâldtitel yn 1965. Troch seleksjekritearia sa't dy yn de Sovjetuny hantearre waarden, mocht se nea útkomme op de Olympyske Winterspullen.

Inga Artamonova
sporter
persoanlike bysûnderheden
echte namme	Inga Grigorjevna Artamonova
nasjonaliteit	Sovjet
bertedatum	29 augustus 1936
berteplak	Moskou
stjerdatum	4 jannewaris 1966
stjerplak	Moskou
lingte	1.77 m
sportive ynformaasje
sport	Reedriden
ûnderdiel	Langebaan
debút	1957
karriêre-ein	1966
wichtige prestaasjes
4x goud WK Allround 1957, 1958, 1962, 1965 2x sulver WK Allround 1963, 1964

Artamonova wie boaske mei reedrider Gennady Voronin, hy waard ek har trainer, mar rekke slim oan de drank. Gennady wie hiel jaloersk op de suksessen fan syn frou en doe't Inga yn desimber 1965 oanjûn hie by Gennady wei te wollen nei meardere kearen troch him tamtearre te wêzen, waard sy begjin jannewaris 1966 troch har man fermoarde. Inga Artamonova 29 jier âld, waard begroeven op it Vagan'kovskoye begraafplak yn Moskou.

Persoanlike rekords

Ofstân	Tiid	Datum	Baan
500 meter	44,9	27 jannewaris 1962	Medeo, Alma-Ata
1000 meter	1.32,8	27 jannewaris 1964	Medeo, Alma-Ata
1500 meter	2.19,0	27 jannewaris 1962	Medeo, Alma-Ata
3 km	5.05,5	15 maart 1964	Dinamo Stadion, Kirov
5 km	10.04,8	22 maart 1955	Dinamo Stadion, Kirov

Resultaten

jier	WK Allround
1957
1958
1959	4e
1961	10e
1962
1963
1964
1965

Boarnen, noaten en referinsjes

Boarnen, noaten en/as referinsjes:

Wikipedy:NL Wikipedy:EN (ned) schaatshistorie.nl Inga Artemova riedplachte op 13-01-2023 (ned) schaatshistorie.nl Gennady Andreevich Voronin riedplachte op 13-01-2023 (in) speedskatingnews.info Inga Voronina Artamonova riedplachte op 13-01-2023