It Hoarslân
It Hoarslân is in delsetting besuden Berltsum yn de gemeente De Waadhoeke. De namme komt ek foar as Horsland. Horslant en Horslandt. In gebiet mei deselde namme kaam eartiids ek foar ûnder Rinsumageast. 'Hors' soe fan hynder komme kinne mar ek fan drek of dridze. Mei de ûntwikkeling fan it kassegebiet yn it begjin fan de 21e iuw is fan it eardere Hoarslân sa goed as neat werom te kennen.
Fleantúchûnk bewurkje seksje
Op 9 juny 2016 is ien fan de fan de fleanbasis Ljouwert opstiigde strieljagers fan it type Northrop F-5E Freedom Fighter yn it eardere Hoarslân delstoart. De strieljager boarre him deun tusken in hûs en in kas de grûn yn. It gie om in tastel fan it Switserske tiim Patrouille Suisse, dat by in treningsflecht foar de Loftmachtdagen in oar fleantúch út it tiim rekke. De piloat rêde him mei de sjitstoel mar mei trochdat er troch it glês fan de njonkenlizzende kas rekke skeinde er beide ankels. It oare tastel dat rekke waard sette mei súkses in needlanning yn dy't goed ôfrûn op de fleanbasis Ljouwert. Yn ferbân mei ûndersyk en berging waard it gebiet in wike as wat ta militêr terrein ferklearre en dei en nacht (swier) bewekke.
Sjoch ek bewurkje seksje
| Boarnen, noaten en/as referinsjes: |
|