Jacob Hylkema

Jacob (Jaap) H. Hylkema (Grou, 22 novimber 1900 - Doanjum, 8 maart 1944) wie adjunkt-direkteur fan Halbertsma's Fabriken BV yn Grou en fan 1938 oant 1943 foarsitter fan it Selskip foar Fryske Taal en Skriftekennisse, krite 'Grou'.

Yn de Twadde Wrâldoarloch die er mei oan it ferset tsjin de Dútsers. Hy waard yn 1944 gemeentekommandant fan de Nederlânske Binnenlânske Striidkrêften. Op 3 maart 1945 waard er - mei fiif oare fersetsminsken - arrestearre fanwege syn fersetsaktiviteiten en nei it Burmaniahûs yn Ljouwert brocht foar ferhoar troch de Sicherheitsdienst. Op 8 maart 1945 waard er deasketten by Doanjum; hy wie doe 44 jier âld. Hylkema en syn doarpsgenoat Bauke van der Pal, dy't tagelyk mei him fusillearre waard, lizze op it Algemiene Begraafplak fan Grou.

Jacob Hylkema wie in soan fan Kerst Hettes Hylkema en Grietje van Riesen. Hy wie troud mei H. Hylkema-Houwink.

Boarnen, noaten en referinsjes

Boarnen, noaten en/as referinsjes:

'Selskip for Fryske tael- en Skriftenkennisse', Ljouwerter Krante 18 juny 1938. Overlijdensadvertenties, L.C. 14 maart 1945. Herdenking, L.C. 13 maart 1946. Jacobus Pieters Wiersma (1894-1973), In Stormgetij: leven en verzet in Idaarderadeel tijdens de bezettingsjaren 1940-'45. Utjûn fanwege en út namme fan in de Ofdieling Idaarderadeel fan de Feriening 1940-1945, Grou: Vereniging Friesland 1940-1945, [1948], 256 s., mei in foto fan û.o. Jacob Hylkema en in koarte libbensbeskriuwing. Gjalt Reinder Zondergeld, De Friese Beweging in het tijdvak der beide Wereldoorlogen, proefskrift Ryksuniversiteit Grins, s. 416. Conclusie in proefschrift Gjalt Zondergeld: Fascistische invloed in Friese Beweging naar verhouding klein, Ljouwerter Krante 14 desimber 1978.