Doanjum
| |||||
| |||||
| Gemeente | De Waadhoeke | ||||
| Ynwennertal (2020) | 370 | ||||
| Webstee | Webstee fan Doanjum en Boer | ||||
Doanjum is in doarp yn de gemeente De Waadhoeke, benoarden Frjentsjer. It doarp hat 362 ynwenners (31 desimber 2003). Yn Doanjum stean 163 wenten. Dit binne 100 keaphuzen en 63 hierhuzen (2007).
SkiednisBewurkje
Doanjum bestiet út in groep terpen op in âlde kwelderwâl. It gebiet moat blikens grûnfynsten al in de Romeinske tiid bewenne west hawwe. Ut opgroeven ierdewurk blykt dat de destiidske bewenners frijwat begoedige wienen. Fan de ein fan de Romeinske tiid oant yn de 5e iuw wie it gebiet nei alle gedachten ûnbewenne.
Yn it begjin fan de 17e iuw waard hjir de stins Goslinga State boud, dêr't letter de grytman en steatsman Sicco van Goslinga wenne dy't yn 1731 ferstoar. Yn 1803 waard de stins ôfbrutsen. Yn de tsjerke fan Doanjum (1711) is noch in prielgrêf fan Sicco van Goslinga.
Doanjum hie sûnt 1 oktober 1903 in stasjon oan it NFLS-spoar fan Frjentsjer nei Tsjummearum; de geografyske ôfkoarting wie Dj. By graafwurk foar it spoar waard yn 1911 in brûnzen byldsje út de Romeinske tiid fûn dat de Romeinske god Mars foarstelt. Op 8 oktober 1933 waard it stasjon sluten.
MienskipBewurkje
Mei it tichtby lizzende Boer hat Doanjum sûnt april 1969 de feriening Doarpsbelang Doanjum/Boer. De feriening hat kontakten mei de gemeente, wenningstifting, sosjaal- en maatskiplik wurk De Skûle. Sawat om de twa moanne komt de doarpskrante De Skûle út. Njonken iepenbiere skoalle De Twirre stiet sûnt 2007 doarpshûs De Boppeslach.
FerieningsBewurkje
- It Wouterke - toaniel
- Moed en Volharding - keatsen
- VVV - feriening foar folksfermeits
- Dûnsferiening
- Neist 'e Terp - iisclub
TsjerkeBewurkje
- De nei Donatus fan Münstereifel ferneamde Donatustsjerke (PKN)
BefolkingBewurkje
Berne yn DoanjumBewurkje
- Wytze Foppes Dongjuma (1707), útfiner
StrjittenBewurkje
Doarpsstrjitte, Frjentsjerterwei, Hovensreed, M C Willemsstrjitte, Marten Anemastrjitte, Noarderstrjitte, Riedsterwei, Tsjummearumerwei, Van Goslingastrjitte, Wytse Foppesstrjitte.
Sjoch ekBewurkje
| Boarnen, noaten en/as referinsjes: |
