Buerstermûne (buorskip)

Buerstermûne (Biltsk: Froubuurtstermoln) is in buorskip dy't foar it meastepart yn de gemeente Ljouwert (foarh. Ljouwerteradiel) leit, by Alde Leie. De delsetting bestiet út inkele huzen en heart foar in part by Froubuorren (gemeente De Waadhoeke, foarh. It Bilt).

It stasjon yn 1960

By Buerstermûne lei eartiids in halte oan it spoar Stiens-Harns, in ôftakking fan it Dokkumer Lokaaltsje fan de NFLS. De halte, iepene op 2 desimber 1902, lei op 4 kilometer fan Stiens en hie as ôfkoarting Vbm. Op 1 desimber 1940 waard de halte opheft. It stasjonsgebou bestiet noch altyd.