Haadmenu iepenje
de himrik fan Deinum

Deinum is in doarp yn de gemeente De Waadhoeke, 4km west fan Ljouwert oan it Van Harinxmakanaal. It doarp hat likernôch 1.000 ynwenners. It doarp is ûntstien op in terp oan 'e Middelsee dy't no foar it grutste part ôfgroeven is.

Om it doarp rint de ringdyk Sint Janswei dy't eartiids it doarp beskerme tsjin it wetter fan de Middelsee. Oant yn de 19e iuw lei it doarp oan de Harnzer Feart, en der wennen ek noch minsken oer de feart. Mei de komst fan it Van Harinxmakanaal en it spoar waarden de huzen súdeastliker boud, tichter by it stasjon. De terp is noch werom te finen yn it strjittepatroan, mar leit no oan de noardwestkant fan it doarp. Earder hie Deinum in gersdrûgerij, in fleisbedriuw en in molkfabryk.

Net fier fan Deinum ôf leit de A 31 fan Ljouwert nei Harns. Deinum hat syn eigen treinstasjon oan it spoar fan Harns nei Ljouwert. Benoarden it doarp leit it Van Harinxmakanaal.

BouwurkenBewurkje

TsjerkeBewurkje

  De Wikipedy hat ek in side Sint-Janstsjerke (Deinum).
 
De tsjerke fan Deimum

It âldste gebou fan Deinum is de Sint-Jehannes de Dopertsjerke of Sint-Janstsjerke, boud yn 'e 13e iuw. Dat de toer eartiids as fjoertoer brûkt waard, is lykwols net wier. Mei de bou fan dy toer is earst yn 1550 útein set, doe't it Bilt al in heale iuw drûch wie, en earst yn 1595 wie it wurk ree. Der is ek in ferske fan 'e tsjerke mei as titel; Yn Deinum stiet in sipel op 'e toer. De sipel is yn 1589 op 'e toer kaam. Krekt 400 jier letter, yn de simmer fan 1989, moast de oarspronklike sipel ferfongen wurde troch in nijenien, omdat er oanfretten wie troch de bûnte knjifkrobbe (Xestobium rufovillosum).
Yn de toer hinget in liedklok út 1544 dy't getten waard troch Johannes ter Steghe út Kampen. Oant 1740 wie der noch in twadde klok dy't yn 1617 getten waard troch Hans Falck fan Neurenberch. It is de hjitting dat de toer yn 2016 wer in twadde klok krije sil [1]

De sipelBewurkje

De sipel is der wierskynlik op komd om Deinum te ûnderskieden fan oare doarpen. It jierlikse reiske, de iisclub, de pleatslike hamburger en sportaktiviteiten brûke de namme Sipel allegear. Troch it Deinumer kabaret is ek in Sipelrap makke. De sipel hat de ynwenners ek harren bynamme fan Sipelgekken jûn.

WynmotorBewurkje

Ten westen fan it doarp stiet Heechhiem, in yn 1936 boude Amerikaanske wynmotor, dy't yn 2002-2004 hielendal restaurearre is.

MienskipBewurkje

It doarp hat in feriening fan Doarpsbelang, dy 't aktiviteiten foar jong en âld organisearret. It doarpskrantsje hjit Klavertrije. It doarp hie twa basisskoallen, De Rank en Master Camminga. Sûnt augustus 2013 foarmje dy de gearwurkingsskoalle Twaspan. Ek is der in pjutteboartersplak, Hummelhonk. De bank is yn 2002 ferdwûn. Sûnt 1985 hat Deinum de “Wurkgroep Deinum Doe en No”, dy't him dwaande hâldt mei de skiednis fan it doarp.

Doe't der yn 2000 in nij stek om de tsjerke komme moast ûntstie de aksje Gek op it stek en it inisjatyf Fjoer op de toer set de toer jûns yn it ljocht.

FerieningsBewurkje

  • Sportferiening Deinum (op 1 july 2016 ûntstien troch it gearfoegjen fan keatsferiening De Trije Doarpen, gymnastykferiening Sport & Spel, Fuotbalferiening Sparta '59 en kuorbalferiening Troch de Koer)
  • Toulûkferiening
  • It Sipeltsje - iisclub
  • Deinum e.o. - folksdûnsjen
  • Advendo - muzykferiening
  • It Klaverblêd - Frysk Selskip
  • Nocht en Wille - toaniel

BefolkingBewurkje

Bekende DeinumerBewurkje

Berne yn DeinumBewurkje

StrjittenBewurkje

Aldeleane, Bûterhoeke, De Eker, De Gersdroegerij, De Harke, De Seine, De Strikel, De Swylder, Feytsmahof, Heechhiemsreed, Heechpaad, It Harspit, It Holt, It Swee, Ljochtewei, Marssumerdyk, Mennerdahof, Pypsterhof, Ritsumasyl, Sint Janswei, Sjouke de Zeestrjitte, Skoallestrjitte, Spoarstrjitte, Sportleane, Trekwei, Tsjerkepaad.

Sjoch ekBewurkje

Boarnen, noaten en referinsjesBewurkje

Boarnen, noaten en/as referinsjes:
  1. Frysk Deiblêd 8 april 2016. Na 250 jaar keert tweede klok terug in toren Deinum, s. 24