Slappeterp is in doarp west fan Menaam yn 'e gemeente De Waadhoeke.

Slappeterp
Slappeterp fan 'e Peinzer kant ôf
Slappeterp fan 'e Peinzer kant ôf
Polityk
Lân Nederlân
provinsje Fryslân
gemeente Waadhoeke
Sifers
Ynwennertal 90 1 jannewaris 2022
Oerflak 2,52 km², wêrfan:
- lân: 2,51 lân km²
- wetter: 0,01 km²
Befolkingsticht. 36 ynw./km²
Oar
Koördinaten 53° 12' N 5° 37' E
Offisjele webside
Side Skingen-Slappeterp
Kaart
Slappeterp (Fryslân)
Slappeterp

Op 1 jannewaris 2022 hie Slappeterp 90 ynwenners.

Skiednis bewurkje seksje

It doarp is ûntstien op in lange kwelderwâl. It heart ta de rige terpen dy't fan Arkens by Frjentsjer oer Skalsum, Peins, Tamterp, en Slappeterp oant de Hege wier tusken Menaam en Berltsum rint. It doarp stie mei de Slappeterper Feart oer de Skingster Feart yn ferbining mei de Harnzer Trekfeart.

Slappeterp is in âld doarp. Yn 'e 13e iuw hiet it Slepelterp en yn 1469 Slepperdorp. Hoe ier der bewenning west hat is net bekend, mar der is yn 'e terp Frankysk diggelguod út de 8e of 9e iuw fûn.

 
Pleatske oan 'e Menamerdyk.

Foar de reformaasje wie Slappeterp in selsstannige parochy, dy't by it dekanaat Frjentsjer yndield wie. Nei de reformaasje foarme Slappeterp mei Skingen ien tsjerklike gemeente. Tsjintwurdich foarmje in grutter tal doarpen ien PKN-gemeente.

De eartiids oan Sint-Dionysius wijde tsjerke is oan it begjin fan de 19e iuw fanwegen brekfalligens ôfbrutsen. Yn 1826 waard de earste stien lein foar in nije tsjerke, mar dy is yn 1926 wer ferfongen troch it hjoeddeiske gebou.

It doarp hat gjin states hân. Wol wiene der in pear sate's.

Mienskip bewurkje seksje

Slappeterp foarmet mei Slappeterp in twillingdoarp en de doarpen ha ien feriening foar doarpsbelang. It doarpshûs hjit 'Op Healwei' omdat it healwei Skingen en Slappeterp stiet. Yn 2007 is by it doarp swimfiver 'De Swanneblom' oanlein as fergees alternatyf foar it swimbad yn Menaam.

Tsjerke bewurkje seksje

 
Dionysiustsjerke
  De Wikipedy hat ek in side Dionysiustsjerke (Slappeterp).

Ferienings bewurkje seksje

(Sjoch foar de meast aktuele ynformaasje oer ferienings op de hiemside)

 
De himrik fan Slappeterp.

Befolkingsferrin bewurkje seksje

Jier 1840 2013 2015 2020
Ynwenners 113 80 85 90

(Boarnen: 1840: Plaatsengids, 2013, 2015 en 2020: Alle Cijfers.)

Strjitten bewurkje seksje

Kleasterdyk, Menamerdyk, Skingsterdyk.

Sjoch ek bewurkje seksje

Boarnen, noaten en referinsjes bewurkje seksje

Boarnen, noaten en/as referinsjes: