Peins

Peins is in doarp yn de gemeente De Waadhoeke, noardeast fan Frjentsjer.

Peins
Sifers
Ynwennertal	260 (2022)
Oerflak	4,06 km² werfan lân: 4,03 werfan wetter: 0,04 km²
Befolkingsticht.	64 ynw./km²
Polityk
Lân	Nederlân
provinsje	Fryslân
gemeente	Waadhoeke
Oar
Koördinaten	53° 12' N 5° 35' E
Offisjele webside
Side 'Us Peins'
Kaart

Skiednis

Gertrudistsjerke

Himrik fan Peins yn de eardere gemeente Frjentsjerteradiel

Peins is in âld doarp dat ûntstie op in terp. It doarp ûnstie al foar de 1200. Aldere farianten fan Peins binne (Pesinghe), Pewenzee (1275), Peijnse (1406), Peynsera Gae (1422), Peijns en Peyns (sûnt 1480), Peyns en sûnt de 16 iuw ek Peins (of Peyns).

De hjoeddeiske Gertrudistsjerke is 14e iuwsk, mar resten fan tufstien bewize dat it gebou der al earder stie. De âlde sealtektoer is yn 1902 fanwegen brekfalligens ôfbrutsen en ferfongen troch it hjoeddeiske tuorke.

It doarp hie yn de 15e iuw twa stinzen: de Tammingastins en de Aesgemastins.

Tegearre mei de doarpen Boer, Rie, Skalsum en Sweins en de stêd Frjentsjer foarmet Peins it Frjentsjerter Fiifgea.

Mienskip

It doarp hat in feriening foar Doarpsbelang dy't gearkomt yn Us Doarpshûs. Dorpskrante It Roeke-each ferskynt tsien kear yn 't jier. De S.J. Boersma Stifting set him yn foar it yn stân hâlden fan in jeugdbibleteek.

Tsjerke

De Wikipedy hat ek in side Sint-Gertrudistsjerke (Peins).

De eardere herfoarme Gertrudistsjerke wurdt út en troch noch brûkt troch de PKN-gemeente en is tsjintwurdich eigendom fan de Stifting Alde Fryske Tsjerken. Yn 1913 stifte de Grifformearde Tsjerke fan Frjentsjer it evangelisaasjegebou Rehoboth. Rehoboth waard yn 2018 sletten en ferkocht. Tsjerklik foarmet protestantsk Peins ûnderdiel fan de PKN-gemeente Rie-Skingen.

Skoalle

In eigen skoalle hat Peins net. De bern fan Peins geane nei de iepenbiere skoalle 'De Oanset' yn Rie.

Ferienings

• Nij Libben - toaniel
• Piter Jellema - keatsen
• Under it lekken - biljerten

Brêge Skalsumerfeart

Befolkingsferrin

Jier	1840	1954	1959	1964	1969	1974	2005	2008	2009	2022
Ynwenners	168	342	344	329	316	309	270	278	282	260

Berne yn Peins

• Josse de Haan (1941), Skriuwer en Dichter
• Pieter van Althuis (1983), Keatser

Strjitten

Doarpsstrjitte, Master Frankstrjitte, Potterslân, Riedsterwei, Skalsumerwei, Slappeterpsterwei, Sweinserwei, Tsjerkestrjitte.

Sjoch ek

• Fryske doarpen.

Boarnen, noaten en referinsjes

Boarnen, noaten en/as referinsjes:

Webstee Peins Tsjerke fan Peins Commons  Ofbylden dy't by dit ûnderwerp hearre, binne te finen yn de kategory Peins fan Wikimedia Commons.