Haadmenu iepenje
Minnertsgea
Flagge fan Minnertsgea Wapen fan Minnertsgea
Flagge Wapen
Lokaasje fan Minnertsgea
Gemeente De Waadhoeke
Ynwennertal (2010) 1680
Webstee Feriening fan Pleatslik Belang Minnertsgea
Sicht op Minnertsgea

Minnertsgea (Biltsk: Minnertska) is in Frysk doarp yn 'e Bouhoeke, dat diel útmakket fan 'e gemeente De Waadhoeke. Foar de gemeentlike weryndieling fan 1 jannewaris 2018 hearde it ta de gemeente It Bilt, mar it wie gjin part fan it Biltske taalgebiet. Minnertsgea waard pas by de weryndieling fan 1984 oan It Bilt tafoege; dêrfoar makke it ûnderdiel út fan 'e gemeente Barradiel en noch earder fan 'e gritenij Barradiel, dêr't it oant 1832 it haadplak fan wie. De skelnamme foar Minnegeasters is 'keallepoaten'. Op 1 jannewaris 2010 hie Minnertsgea 1.680 ynwenners.

SkiednisBewurkje

Minnertsgea wurdt yn 1168 al neamd. Yn dy tiid stie de tsjerke der ek al, dy't nei alle gedachten likernôch 1120 boud wêze moat. Der wurdt oannaam dat Minnertsgea yn it jier 1000 bestie, wierskynlik as eilân.

It doarp is dêrmei folle âlder as de oare parten fan de gemeente It Bilt. It is ek earst by gemeentlike weryndieling fan 1984 oan de gemeente tafoege. Foar dy tiid wie it doarp part fan Barradiel en oant 1832 ek haadplak fan dy gemeente, dêrnei wie Seisbierrum dat.

Yn de 19e iuw hie it doarp in sûkereifabryk. Op 2 desimber 1902 waard by Minnertsgea in stasjon iepene oan it NFLS-spoar fan Stiens nei Harns. De ôfkoarting fan de stasjonsnamme wie Mn en it stasjon lei op 15 kilometer fan Stiens. Op 1 desimber 1940 waard it stasjon wer sluten.

LizzingBewurkje

Minnertsgea leit op de easterein fan de Bjirmen, net fier westlik fan Wier. Dêrmei leit it krekt súdwestlik fan de Hege Dyk, de âlde waaddyk dêr't de polders, fan de Middelsee tsjinoan lizze. It doarp leit oan de N393, dy't nei it westen nei Tsjummearum giet en nei it noarden nei Sint Jabik. Nei it suden is it doarp fia de Minnertsgeaster Feart ferbûn mei de Rie.

MienskipBewurkje

 
Tsjerke Minnertsgea

Stifting Sosjaal Sintrum 'd'Ald Skoalle' stiet oan de Skoallestrjitte. Der is in Aktiviteitenkommisje. 'Us Jûn' is de soas en it pjutteboartersplak hjit de 'Peutersoas'. Der binne twa basisskoallen: 'De Lytse Terp' en 'De Wizebeam'. In diel fan it Biltsk Dokumintaasysintrum sit yn de bibleteek.

FerieningsBewurkje

Untwikkeling ynwennertalBewurkje

Berne yn MinnertsgeaBewurkje

FerskaatBewurkje

  • It wapen fan de famylje Hermana wie de basis foar wapen en flagge.De skeraf komt fan de gemeente Barradiel en de skulpen fan It Bilt.

StrjittenBewurkje

Keppeling om utensBewurkje