Goutum is in terpdoarp yn it suden fan de gemeente Ljouwert mei 3.315 ynwenners (2022).

Goutum
Agnestsjerke
Agnestsjerke
Emblemen
Flag of Goutum.svg               Goutum wapen.svg
Sifers
Ynwennertal 3.315 (2022) [1]
Oerflak 1,52 km²
lân: 1,41
wetter 0,11 km²
Befolkingsticht. 147 ynw./km²
Polityk
Lân flagge fan Nederlân Nederlân
Provinsje Frisian flag.svg Fryslân Fryslân
Gemeente Leeuwarden vlag 2014.svg Ljouwert
Oar
Tiidsône UTC +1
Simmertiid UTC +2
Koördinaten 53° 10'N 5° 49'E
Offisjele webside
Side goutum.info
Kaart
Goutum (Fryslân)
Goutum

SkiednisBewurkje

 
It yn 1882 ôfbrutsen Wiardastate

Goutum wie oarspronklik in terpdoarp mei oan de westkant fan de terp de yn 1882 ôfbrutsen Wiarda State. Yn de 12e iuw waard op de terp de oan Sint-Agnes wijde tsjerke boud. De famylje Burmania hat dêr in grêfkelder. De tsjerke hat in Van Damoargel út 1864. Súdwestlik fan it doarp lei eartiids ek noch de terp Techum, dy't yn de 19e iuw ôfgroeven waard.

Oant 1944 wie it doarp part fan de eardere gemeente Ljouwerteradiel; yn dat jier waard it hiele Sudertrimdiel troch de gemeente Ljouwert anneksearre.

Yn de rin fan de tiid wreide de bebouwing him nei it westen út yn 'e rjochting fan de Oeriselskeleane. Nei it easten is it doarp útwreide oant ticht by de westlike útbuorren fan Tearns. Fral sûnt de jierren 1970 is Goutum bot fan karakter feroare. Troch de oanlis fan Goutum-Noard grinzget de bebouwing tsjintwurdich fuort oan de stêd. Allinnich it Van Harinxmakanaal leit der noch tusken. Yn de iere 21e iuw waard Goutum útwreide mei de wyk Goutum-Súd. Besuden fan it doarpsgebiet wurdt Ljouwert fierder útwreide, sadat it doarp feitlik in stedswyk fan Ljouwert is.

Súdlik fan it doarp leit it âldste krematoarium fan Fryslân, itjinge Goutum de bynamme 'Stoke-city' oplevere.

Goutum is oer it wetter troch de Wurdumer Feart nei it suden mei Wurdum ferbûn. De feart foarmet nei it noarden lykwols gjin ferbining mei it Van Harinxmakanaal. Nei it easten is de Tearnserdyk in ferbining mei Drachtsterwei en fierder nei Suderbuorren, Tearns en Himpens en Wergea.

WapenBewurkje

De trije kannen ferwize nei de trije states fan it doarp. De swan is oernommen fan it wapen fan de famylje Wiarda, wylst de kleuren fan it wapen fan Eastergoa stamme.[2]

MienskipBewurkje

 
It lege plak fan de eardere Wiardastate

Alhoewol't Goutum feitlik in stedswyk fan Ljouwert is, hat it noch wol it doarpshûs 'Ien en Mien', in jierliks doarpsfeest en in warbere doarpsferiening mei in grut tal foarsjennings, lykas in boarterstún, in iisbaan en oan de eastlike kant it sportpark Wiarda. Foar oare foarsjennings en foar harren wurk binne de ynwenners rjochte op de stêd of oare plakken.

TsjerkeBewurkje

  De Wikipedy hat ek in side Agnestsjerke.

De PKN-gemeente Goutum makket gebrûk fan de Agnestsjerke yn Goutum en de Martinustsjerke fan Himpens.

SkoalleBewurkje

  • Yntegraal Bernesintrum Wiarda

FerieningsBewurkje

  • De Kûle - jongereinsoas
  • Wêz Warber - kuorbal
  • Keatsclub Goutum
  • Iisclub Goutum
  • Tennisclub Goutum
  • Gymnastykferiening
  • Jeugdfûgelwacht
  • Samar Klear - biljerten
  • Krap by Kas - toaniel
  • Goutumer shantykoar
  • Eigen Wijs - frouljuskoar

Berne yn GoutumBewurkje

BefolkingsferrinBewurkje

Jier 1848 1913 1954 1959 1964 1969 1973 1999 2001 2002 2003 2004 2005 2020 2022
Ynwenners 284 452 523 619 648 642 761 2.295 2.539 2.701 2.689 2.634 2.623 3.275 3.315

MûnenBewurkje

 
De spinnekopmûntsjes

Sawat twa kilometer west fan it doarp steane oan de Swette twa spinnekopmûntsjes; de Mûne Heechlân en de Kramersmole.

StrjittenBewurkje

Alle strjitten yn Goutum.

Keppeling om utensBewurkje

Boarnen, noaten en referinsjesBewurkje

Boarnen, noaten en/as referinsjes:

 
Plakken yn de gemeente Ljouwert
 
Stêd: Ljouwert

Doarpen en útbuorrens: Alde LeieBaardBearsBritsumEagumEasterlittensFeinsumFriensGoutumGrouIdaerdHijumHilaardHimpensHúnsJellumJelsumJirnsumJorwertKoarnjumLekkumLeonsMantgumMiedumReduzumSnakkerbuorrenStiensSwichumTearnsWarstiensWartenWeidumWergeaWytgaardWurdum

Buorskippen: AbbenwierAldskou (foar in part) • AngwierBaarderbuorrenBartlehiem (foar in part) • Buerstermûne (foar in part) • DomwierFinsterbuorrenFjouwerhûsFûnsGoattumHesensDe HimHoekIt HoflânHoptilleMarwertMidsbuorrenNaarderbuorrenNoardeinPoelhuzenRewert (foar in part) • SkillaerdSkrinsSuderbuorrenSuoreinIt TichelwurkDe Trije RomersTruerdTsienserbuorrenTsjaardTsjeintgumWammertWesterbuorrenWielstersylWieuwens