James Watt
James Watt (Greenock (Skotlân), 19 jannewaris 1736 – Heathfield Hall by Birmingham, 25 augustus 1819) wie in Skotsk yngenieur dy't beskôge wurdt as de útfiner fan de moderne stoommasine, mar net as earste útfiner fan dy masine. Hy wie ek de útfiner fan it earste kopieerapparaat, dêr't er yn 1781 oktroai op krige.
Libben
bewurkje seksjeJames Watt syn heit wie ûnder mear skipsbouwer[1] en syn mem ûnderrjochte him oant er alve wie mei't er te swak wie om nei skoalle te gean. Neidat Watt wol skoallegie, wiksele er in pear kear fan skoalle. De middelbere skoalle die er yn Greenock dêr't bliken die dat er goed yn wiskunde wie. Om't er yn Greenock net fierder leare koe, gie er nei Glasgow. Dêr waard him sein dat immen mei syn kapasiteiten nei Londen moatte soe foar fierdere stúdzje. Dat dêr studearre ek ôf. Yn 1756 gie Watt om reden fan sûnens (reuma en skeane pineholle omdat er út de liken rekke wie) werom nei Glasgow.
Yn 1763 of 1764 makke Watt in stikkene stoommasine fan Newcomen en besocht er manieren om dy te ferbetterjen. Dat slagge en 1769 krige er in oktroai op dy ferbetteringen. Watt syn stoommasine waard û.m. tapast yn de stoomlokomotyf; yn 1784 krige er dêr patint op.
Yn 1800 gong Watt mei pinsjoen en sette him nei wenjen yn Heathfield Hall, by Birmingham. Dêr stoar er ek yn de âldens fan 83 jier.
| Boarnen, noaten en/as referinsjes: |
|
Ofbylden dy't by dit ûnderwerp hearre, binne te finen yn de kategory James Watt fan Wikimedia Commons. |