Jan Baptist van der Hulst

Jan Baptist van der Hulst, ek wol Jean-Baptiste Van der Hulst (Leuven, 2 maart 1790 - Brussel, 14 maaie 1862) wie in Belgysk keunstskilder en litograaf. Hy makke benammen namme as portrettist en wie fan 1830 oant 1849 hofskilder fan it Nederlânsk Keninklik Hûs.

Jan Baptist van der Hulst
Art-1300258.svg keunstner
Selsportret
Selsportret
persoanlike bysûnderheden
nasjonaliteit Flag of Belgium (civil).svg Belgysk
berne 2 maart 1790
berteplak Leuven
stoarn 14 maaie 1862
stjerplak Brussel
reg. identiteit Flaamsk
wurkpaad
wurksum as Hofskilder
streaming Akademyske keunst
bekendste
  wurk(en)
Portretten fan leden fan it Nederlânsk Keninklik hûs
jierren aktyf ± 1810-1862
offisjele webside
RKD_profyl

Libben en wurkBewurkje

Van der Hulst studearre oan de keunstakademy te Leuven by Josse Pierre Geedts. Yn 1819 makke er in stúdzjereis nei Parys en fan 1825 oant 1827 wie er yn Italië, ûnder oare yn Rome. Werom yn Leuven skildere er it alterstik foar de St. Jacobstsjerke.

Van der Hulst rjochte him benammen op histoarjestikken en portretten, yn in klassike akademyske styl. Yn 1830 ferhuze er nei De Haach, dêr 't er troch kening Willem I ta hôfskilder en beneamd waard ("schilder des konings"), in funksje dy 't er fuortsette ûnder it bewâld fan kening Willem II. Ek advisearre hy beide keningen by harren keunstoankeapen.

Nei de dea fan Willem II yn 1849 fêstige Van der Hulst him yn Brussel, dêr 't er yn 1862 yn de âldens fan 72 jier ferstoar.

De portretten dy't er makke fan de leden fan it Keninklik Hûs binne foar in grut part noch yn besit fan de Keninklike famylje. Se binne ûnder oare yn Paleis Noordeinde en Huis ten Bosch. Ek it Ryksmuseum Amsterdam, Paleis het Loo en De Lakenhal yn Leiden hawwe wurk fan syn hân yn harren kolleksje.

GaleryBewurkje

Keppelingen om utens, boarnenBewurkje