Jelle ten Rouwelaar

Jelle ten Rouwelaar (De Jouwer, 24 desimber 1980) is in proffuotballer ôfkomstich út de provinsje Fryslân dy't op it stuit by NAC Breda fuotballet.

Dizze side moat noch by de tiid brocht wurde.
Jo wurde útnûge om dêr in begjin mei te meitsjen


Jelle ten Rouwelaar (jannewaris 2015)

Karriêre bewurkje seksje

Jelle ten Rouwelaar begûn mei fuotbaljen by de amateurs fan SC Joure. Emmen wie yn him ynteresseare, sadat hy yn it seizoen 1999/2000 dêr syn debút makke. Ek yn de dêr opfolgjende seizoenen blinkt Ten Rouwelaar út yn it doel en waard selektearre foar Jong Oranje.

Nei fjouwer jier Emmen tekent Ten Rouwelaar foar fiif seizoenen by PSV, dêr't er yn seizoen 2002/2003 ûnder de latte komt te stean. Syn offisjele debút by PSV is de UEFA Champions League-wedstriid tsjin AJ Auxerre dêr't hy in goede wedstriid spilet dy't mei 0-0 lykspul einiget. Lykwols komt yn de rin fan it seizoen krityk op Ten Rouwelaar syn spul. Hy eaget betiden wat ûnwis en neffens guon komt dat troch in gebrek oan erfaring. Ek trener Guus Hiddink hat krityk en yn febrewaris 2003 wurdt besletten dat Ten Rouwelaar de rest fan it seizoen oan FC Groningen ferhierd wurde sil. It seizoen dêrop wurdt er ferhierd oan FC Twente, dêrnei FC Zwolle, FC Eindhoven en yn july 2006 ferhuzet hy nei Austria Wien. Ek dêr bliuwt hy mar ien seizoen en fertrekt wer nei in oare klup.

By NAC giet it in stik better en wurdt Ten Rouwelaar foar Edwin Zoetebier earste keeper. It seizoen 2007/08 einiget hy mei de klup op it tredde plak en as keeper hâldt er 16 kear "de nul", dêr't hy as twadde bêste keeper fan de Nederlân kompetysje einiget efter doelman Gomes fan PSV. Tagelyk ferbettert hy it kluprekord fan 'NAC's langst net-passearde keeper.

Wurkpaad bewurkje seksje

seizoen klup wedstriden goals kompetysje
1998/99 FC Emmen 0 0 Earste Difyzje
1999/00 FC Emmen 11 0 Earste Difyzje
2000/01 FC Emmen 34 0 Earste Difyzje
2001/02 FC Emmen 32 0 Earste Difyzje
2002/03 PSV 2 0 Earedifyzje
FC Groningen 4 0 Earedifyzje
2003/04 FC Twente 11 0 Earedifyzje
2004/05 FC Zwolle 36 0 Earedifyzje
2005/06 FC Eindhoven 36 0 Earste Difyzje
2006/07 Austria Wien 4 0 Bundesliga
2007/08 NAC Breda 32 0 Earedifyzje
2008/09 NAC Breda 17 0 Earedifyzje
Totaal 170 0

Nederlânsk alvetal bewurkje seksje

Yn maart 2011 waard Ten Rouwelaar troch bûnscoach Bert van Marwijk as tredde keeper by de seleksje fan it Nederlânsk alvetal helle foar twa EK-kwalifikaasjewedstriden tsjin Hongarije. Hy kaam net yn aksje foar it Nederlânsk alvetal. Op 27 maaie 2011 waard Ten Rouwelaar wer oproppen troch Van Marwijk, diskear foar de oefentrip fan it Neederlânsk alvetal yn Súd-Amearike. Hy ferfong Vorm, dy't op de training yn Hoenderloo in blessuere oan syn rjochterhân oprûn. Ten Rouwelaar is de tredde doelman foar de duels tsjin Brazylje en Uruguay (8 juny).

Boarnen, noaten en referinsjes bewurkje seksje

Boarnen, noaten en/as referinsjes: