Jodokustsjerke (Oosterland)

De Jodokustsjerke is in letgoatyske protestantske tsjerke yn it Siuwske doarp Oosterland. Fan de midsiuwske tsjerke bleau allinne it eksterieur fan it koer yn de orizjinele steat bewarre.

Jodokustsjerke
Sint Jodocus Oosterland1.JPG
lokaasje
lân Flag of the Netherlands.svg Nederlân
provinsje Flag of Zeeland.svg Seelân
gemeente Schouwen-Duiveland vlag.svg Schouwen-Duiveland
plak Oosterland
adres Torenplein 1, 4307 AB Oosterland
bysûnderheden
type bouwurk Tsjerke
boujier 14e iuw
boustyl Gotyk
monumintale status ryksmonumint
monumintnûmer 14160 (tsjerke)
webside Side fan de gemeente

SkiednisBewurkje

De oant de reformaasje oan de hillige Jodokus wijde tsjerke yn Oosterland waard yn de twadde helte fan de 14e iuw boud. Fan dy tiid datearret noch de tsjintwurdich frijsteande sealtektoer. Tsjin it ein fan de 15e iuw waard it trije traveeën tellende letgoatyske koer mei in 5/8 ôfsluting boud.

Yn 1612 waard it doarp pleage troch in tige slimme doarpsbrân. Dêrby rekke ek it tsjerkeskip sa slim skeind, dat weropbou net mooglik wie. Tenei brûkte de gemeente foar de tsjerketsjinst it koer dat de brân oerlibbe hie. Yn de 19e iuw moast it koer op it plak fan it eardere dwersskip oan de westlike kant mei twa traveeën langer makke wurde. Boppedat bouden se yn 1880 tusken it koer en de toer in skoallegebou, dat sûnt 1904 as gemeentehûs brûkt waard.

De Twadde Wrâldkriich brocht benammen oan de toer nije skea. Yn de jierren 1949-1950 folge de renovaasje fan it gebou.

Hjoed-de-dei heart de tsjerke ta de herfoarme gemeente, dy't oansletten is by de Protestantske Tsjerke yn Nederlân.

OargelBewurkje

It tsjerke-oargel waard yn 1905 troch Jan van Gelder út Leien boud. It sleeplade-oargel bleau foar in grut part bewarre. It hat 8 registers op ien manuaal (C–f3: Bourdon 16′, Prestant 8′, Holpijp 8′, Gamba 8′, Celeste 8′, Octaaf 4′, Piccolo 2′, Mixtuur III-V). It pedaal (C–d1) is oanhongen en de spyl- en registertraktueren binne mechanysk.

LiteratuerBewurkje