Katedraal fan Us Leaffrouwe Opname te'n Himel en fan de Hillige Nikolaas (Galway)

De Katedraal fan Us Leaffrou Opname yn de Himel en de hillige Nikolaas (Iersk: Ard-Eaglais Mhaighdean na Deastógála agus Naomh Nioclás; Ingelsk: Cathedral of Our Lady Assumed into Heaven and St Nicholas), better bekend ûnder de namme Katedraal fan Galway (Galway Cathedral), is in roomsk-katolike katedraal yn Galway, Ierlân. It is ien fan de grutste en ek meast yndrukwekkende bouwurken fan de stêd.

Marije-Himelfeart en int-Nikolaaskatedraal Ard-Eaglais Mhaighdean na Deastógála agus Naomh Nioclás Cathedral of Our Lady Assumed into Heaven and St Nicholas
Lokaasje
lân	Ierlân
greefskip	Galway
plak	Galway, H91 A780
adres	Gaol Road
koördinaten	53°16' N 9°3' W
Tsjerklike gegevens
tsjerkegenoatskip	Roomsk-Katolike Tsjerke
bisdom	Galway-Kilmacduagh-Kilfenora
aartsbisdom	Tuam
patroanhillige	Marije-Himelfeart
Arsjitektuer
arsjitekt	John J. Robinson
boujier	1958-1965
Webside
www.galwaycathedral.ie
Kaart

Mei de bou fan de katedraal waard yn 1958 útein set en yn 1965 fûn de wijing plak oan de Opname fan Marije yn de Himel en Nikolaas fan Myra.

Arsjitektuer

It tsjerkeskip rjochting koer.

Arsjitekt fan de katedraal wie John J. Robinson, dy't earder al de ûntwerpen foar in soad tsjerken yn Dublin en oare plakken yn it lân levere. De styl fan de katedraal ferriedt in soad ynfloeden. De koepel en de pylders wjerspegelje de renêssânse; oare karakteristiken lykas de roasfinsters en mozaïken fertsjintwurdigje in brede tradysje fan kristlike keunst. De tsjerke hat in maksimale hichte fan 44,2 meter.

Oargel

Oargel.

It tsjerke-oargel waard yn 1966 troch Rushworth & Dreaper út Liverpool boud. Tusken 2006 en 2007 waard it renovearre en fergrutte troch de Ierske oargelbouwer Trevor Crowe. It besit trije manualen en 59 registers en wurdt net allinnich brûkt by de missen, mar ek yn 'e simmerkonserten dy't alle jierren organisearre wurde.

Yn 'e katedraal stiet ek noch in lytser oargel mei ien manuaal en fjouwer registers.

Keppeling om utens

• Disposysje oargel

Boarnen, noaten en referinsjes

Boarnen, noaten en/as referinsjes:

Dizze side is alhiel of foar in part in oersetting fan de Ingelsktalige Wikipedyside; sjoch foar de bewurkingsskiednis: en:Cathedral of Our Lady Assumed into Heaven and St Nicholas, Galway Commons Wikimedia Commons  Ofbylden dy't by dit ûnderwerp hearre, binne te finen yn de kategory Katedraal fan Galway fan Wikimedia Commons.