Kees van Bruggen

	Kees van Bruggen
	skriuwer
	Kees van Bruggen (1954)
	persoanlike bysûnderheden
nasjonaliteit	Nederlânsk
berne	14 novimber 1874
stoarn	19 novimber 1960
	offisjele webside
	Wurk yn de DBNL

Cornelis Johannes Antonius (Kees) van Bruggen (Den Helder, 14 novimber 1874 – Amsterdam, 19 novimber 1960) wie in Nederlânske skriuwer en sjoernalist.

Biografy

Sjoernalist

De earste redaksje fan Het Volk, f.l.n.r: Van Bruggen, Mendels, Troelstra, De Roode, Ankersmit

Nei de middelbere skoalle wurke Van Bruggen in skoftke by in hannelskantoar, mar trede al gau yn tsjinst fan deiblêd "Het Volk ", wêrfoar't er toanielkritiken en de rubryk Op straat gezien skreau. Mei syn frou Carry van Bruggen-de Haan, suster fan Jacob Israël de Haan, gie er yn 1904 nei Nederlânsk-Ynje dêr't se op Sumatra tegearre de lieding krigen oer de Deli Courant. Werom yn Nederlân waard er yn 1907 sjoernalist by it "Algemeen Handelsblad" mei as stânplak Parys. Syn sjoernalistike wurk ferskynde letter yn in tal bondels.

Skriuwer

Kees van Bruggen syn earste roman, Het verstoorde mierennest, ferskynde yn 1916 en wie in grut sukses. It boek waard oant yn de jierren fjirtich in soad fannijs printe. Fan dat jier ôf publisearre er geregeld romans, novellen, gedichten en toanielstikken. Sosjale rjochtfeardichheid en oprjochtens yn in wrâld sûnder foaroardielen wie in weromkommend tema yn syn publikaasjes. By gelegenheid fan syn 80ste jierdei ferskynden syn bondele gedichten ûnder de titel Kruidentuin. Syn lêste roman en lêste publikaasje, Ontbonden garven , ferskynde yn 1957.

Oars as it oeuvre fan Carry van Bruggen is dat fan Kees fergetten. Syn namme en publikaasjes wurde in inkelde kear noch neamd yn de nei-oarlochske oersjoggen fan de Nederlânske literatuer.

Kees van Bruggen en Carry de Haan giene útinoar; Carry, dy't ek skriuwster wie, bleau lykwols ek nei har twadde houlik publisearjen ûnder de namme Carry van Bruggen.

Wurken

In kar:

Het verstoorde mierennest. Amsterdam: Wereldbibliotheek, 1916
De freule. Amsterdam: Querido, 1921
Het leven van Joost Welgemoed. Amsterdam: Querido, 1921
De liefde van Eugenius Berg. Amsterdam: Van Kampen en Zoon, 1926 (ûnder pseudonym Rein van Zanten)
De verlaten man. Bussum: Van Dishoeck, 1928
De geschiedenis van het huis. Een verhaal van vele avonturen. Bussum: Van Dishoeck, 1929
De droge koetsjes, of de levensavond buiten. Bussum: Van Dishoeck, 1931
Fontana Marina. Amsterdam: Wereldbibliotheek, 1949
Ontbonden garven. Roman van een hedendaags gezin. Amsterdam/Antwerpen: Wereldbibliotheek, 1957

Wikimedia Commons

Ofbylden dy't by dit ûnderwerp hearre, binne te finen yn de kategory Kees van Bruggen fan Wikimedia Commons.

Kees van Bruggen
skriuwer

Kees van Bruggen (1954)
persoanlike bysûnderheden
nasjonaliteit	Nederlânsk
berne	14 novimber 1874
stoarn	19 novimber 1960
offisjele webside
Wurk yn de DBNL