Kevin Thomas (kritikus)

Kevin Thomas (Los Angeles, 1936) is in Amerikaansk sjoernalist dy't benammen bekendheid krige as filmkritikus foar de krante de Los Angeles Times.

Kevin Thomas
persoanlike bysûnderheden
echte namme	Kevin B. Thomas
nasjonaliteit	Amerikaansk
berne	1936
berteplak	Los Angeles (Kalifornje)
etnisiteit	Angelsaksysk Amerikaansk
wurkpaad
berop/amt	sjoernalist
aktyf as	filmkritikus
jierren aktyf	1962 – 2001
offisjele webside
Kevin Thomas yn 'e IMDb

Libben en karriêre

Thomas waard yn 1936 berne yn Los Angeles, dêr't er ek opgroeide. Hy behelle yn 1958 in bachelortitel oan it Gettysburg Kolleezje yn Gettysburg (Pennsylvania), en yn 1960 in mastergraad oan 'e Steatsuniversiteit fan Pennsylvania yn University Park (Pennsylvania).

Nei it ôfrûnjen fan syn stúdzje gie Thomas oan it wurk as sjoernalist. Fan 1962 ôf wied er as filmkritikus ferbûn oan 'e Los Angeles Times, it grutste deiblêd fan 'e Amerikaanske westkust. Yn syn wurksume libben stied er bekend om it jaan fan oer it algemien ridlik positive filmresinsjes yn ferhâlding ta oare Amerikaanske kritisy, lykas Kenneth Turan, dy't yn 1991 foar deselde krante kaam te wurkjen.

Yn 2003 ûntfong Thomas foar syn wurk in oeuvrepriis fan 'e Amerikaanske Nasjonale Feriening fan Lesbyske en Homoseksuele Sjoernalisten (NLGJA). Yn syn boek Cinema Speculation skreau filmmakker Quentin Tarantino yn 2022 dat Thomas de iennichste filmkritikus fan 'e Los Angeles Times wie dy't wille yn syn wurk liek te hawwen.

Keppelings om utens

• (in) Folsleine filmografy fan Kevin Thomas yn 'e Internet Movie Database (IMDb)

Boarnen, noaten en referinsjes

Boarnen, noaten en/as referinsjes:

Foar boarnen en oare literatuer, sjoch ûnder: References, op dizze side.