Lambertus Johannes Toxopeus

Lambertus Johannes Toxopeus (Tûban (residinsje Rembang), 8 septimber 1894 - Bandûng, 20 april 1951) wie in Nederlânske entomolooch, heechlearaar en plantesamler. Hy wie saakkundich op it mêd fan de Reachwjukflinters (Lycaenidae) en de Groukopflinters (Hesperiidae).

Libben en wurk bewurkje seksje

Hy wie as jonge al dwaande mei de stúdzje fan flinters. Hy studearre biology oan de universiteit fan Amsterdam by professor Cornelis Jacob van der Klaauw (1893-1972). Hy lei it doktoraaleksamen yn 1920 ôf en wie oan 1930 ta learaar yn Nederlân. Yn dy snuorje die er mei oan de Boeroe-ekspedysje nei de Yndyske Arsjipel yn 1920-21 en dat levere de stof foar syn proefskrift "De soort als functie van plaats en tijd, getoetst aan de Lycaenide van het Australaziatisch gebied" (1930). Nei syn promoasje kaam er werom nei Nederlânsk-Ynje as learaar. Hy naam diel oan de tredde Archbold-ekspedysje nei Nij-Guinea yn 1938-1939, dêr't er mear as 100.000 ynsekten sammele. Toxopeus syn lêste ekspedysje wie dy nei it fulkaaneilân Krakatau yn 1949.

Yn de Twadde Wrâldoarloch wie er reserve-ofsier, belêste mei it beweitsjen fan it fleanfjild Semplak by Buitenzorg. Hy siet in tiid fêst yn in Japansk konsintraasjekamp.

Nei de oarloch waard er lektor yn soölogy oan de universiteit fan Batavia. Yn 1947-49 kaam er in pear jier nei Nederlân werom mei sykteferlof. Yn 1949 waard er beneamd ta heechlearaar oan de fakulteit fan wiskunde en natuerwittenskip yn Bandûng. Njonken artikels yn wittenskiplike tydskriften skreau er ek tal populêr-wittenskippelike bydragen foar Nederlânsk-Ynjyske kranten as it Algemeen Indisch Dagblad en De Vrije Pers.

Toxopeus stoar troch in ferkearsûngemak op 20 april 1951 yn Bandûng. Hy liet syn frou en sân bern benefter.

Ferskate entomologen hawwe nij beskreaune soarten nei him neamd mei it epiteton toxopeusi of toxopei. Ek it flintergeslacht Toxopeia is nei him ferneamd. Joannes Jacobus Smith, haad fan de botanyske tún yn Buitenzorg, hat teffens guon plantesoarten nei Toxopeus neamd, ûnder oaren de Rhododendron toxopei, Liparis toxopei en Eria toxopei.

Publikaasjes bewurkje seksje

  • Lycaenidae Australasiae 1. New investigations on the genus Lycaenopsis Felder. Treubia 8: 365–375, 1926
  • Verslag van de negen-en-fijftigste Wintervergadering der Nederlandsch-Indische Entomologische Vereeniging Ent. 69: lxix-lxxvi, 1927
  • Eine Revision der javanischen, zu Lycaenopsis und verwandten Genera gehörigen Arten. Tijdschr. Ent. 70: 232–302, 1pl., 27 figs; ibid. 71: 179–265, 1927–1928
  • Lycaenidae Australasiae 3. Treubia 9: 423–435, 1927
  • Beschreibung einiger Schmetterlinge (Riodinidae und Lycaenidae) von Pulau Weh bei Sumatra. Lycaenidae Australasiae 5. Tijdschr. Ent. 72: 204–214, 1929
  • De Riodinidae en Lycaenidae van het eiland Java (Lycaenidae Australasiae VI). Entomologisk tidskrift, 72: 215–244, 1929
  • Lycaenidae Australasiae VII. Over Tajuria cippus (F.) (= longinus F.) en Pratapa blanka de Nic. Tijdschr. Ent. 72: 245–262, 1929
  • De soort als functie van plaats en tijd, getoetst aan de Lycaenidae van het Australaziatisch gebied, 198 pp., 1930
  • Over eenige Bijzonderheden van de west-javaansche fauna, die wijzen op haar hybride ontstaanswijze. Hand. Ned. -Ind. naturw. Cong. 6: 417–427, 1931
  • Over eenige nieuwe of weinig bekende vlindersoorten. Verslagen van de Vergaderingen der Afdeeling Nederlandsch-Oost-Indië van de Nederlandsche Entomologische Vereeninging 1: lxvii–lxxvii, 1932
  • Over Ruralis absolon (Hew.) Ent. Med. Ned.-Indie. 1: 33–36, 1935
  • Over twee Lycaenidae: Celastrina lavendularis (Moore) en C. placidula (H. H. Druce). Ent. Meded. Ned. Ind. 4: 68–72, 1935
  • Entomologische Notities uit Nieuw-Guinea. Ent. Med. Ned-Indie. 6: 17–21, 37–43, 1940

Literatuer bewurkje seksje

Sjoch ek bewurkje seksje

Boarnen, noaten en referinsjes bewurkje seksje

Boarnen, noaten en/as referinsjes: