Leine (rivier)
De Leine ( Aldsaksysk Lagina) is in 281 km lange rivier yn Tueringen en Nedersaksen yn Dútslân. It is in lofter sydrivier fan de Aller en de Weser.
| Leine | ||
| ||
| Brêge oer de Leine út 1751 by Pattensen-Schulenburg | ||
| geografy | ||
| lân |  Dútslân
| |
| dielsteat | Nedersaksen Tueringen | |
| lokaasje boarne | it Eichsfeld yn Tueringen | |
| lokaasje mûning | de Aller by Schwarmstedt | |
| plakken | Göttingen, Hannover, Schwarmstedt | |
| sydstreamen | 41 | |
| sifers | ||
| lingte | 281 km | |
| hichte boarne | 400 m | |
| hichte mûning | 25 m | |
| ferfal | 375 m | |
| ôfwetteringsgeb. | 6.512 km² | |
| ôffier (mûning) | 61,7 m³/s | |
De boarne fan de Leine leit tichtby de stêd Leinefelde yn Tueringen. Sa'n 40 km stream berikt er Nedersaksen en rint dan nei it noarden.
Wichtige plakken oan de Leine binne Göttingen, Einbeck, Alfeld, Gronau en Hannover, de grutste stêd oan de rivier. Sa'n 40 km streamôf benoarden Hannover, by Schwarmstedt, mûnet de rivier út yn de Aller. Fia de Weser brikt er de Noardsee. De lêste 100 km binne hjoed-de-dei befarber foar lytse frachtskippen. Foar de komst fan it spoar wie de rivier in wichtige transportier oant Göttingen ta.
De rivier is wat fersmoarge troch de yndustry, dat it wetter wurdt net brûkt om te drinken, mar de fersmoarging is nea sa slim west dat der gjin fisken mear libje koene. Lykas in protte oare rivieren yn West-Europa wurdt de Leine sûnt de jierren 60 ek hieltyd skjinner sûnt de ynfiering fan miljeukontrôles. De sportfiskerij smyt lykwols gewoanwei net in protte op.
Keppelingen om utens
bewurkje seksje |
Ofbylden dy't by dit ûnderwerp hearre, binne te finen yn de kategory Leine fan Wikimedia Commons. |
- Leineverband (offisjeel webstee)